O‘zbekiston respublikasi oliy va o‘rta maxsus ta’lim vazirligi denov tadbirkorlik va pedagogika instituti

Fanning ishlab chiqarishdagi o‘rni

Talabalarda turkiy xalqlar adabiyoti tarixi bo‘yicha bilimlarni shakllantirish, turkiy xalqlar adabiyotining davrlashtirish bosqichlari, jumladan, qadimgi davr, o‘rta asrlar davri, umuman XXI asargacha bo‘lgan turkiy xalqlar adabiyotining muhim davrlari va yo‘nalishlari to‘g‘risida muayyan bilimga ega bo‘lish va ularni amaliyotda tatbiq etish muhim ahamiyat kasb etadi.

Fanni o‘qitishda zamonaviy axborot va pedagogik texnologiyalar

«Turkiy xalqlar adabiyoti tarixi» fanini o‘zlashtirishda o‘qitishning ilg‘or va zamonaviy usullaridan foydalanish, yangi informatsion-pedagogik texnologiyalarni tatbiq qilish muhim ahamiyatga egadir. Dasturda ko‘rsatilgan mavzular ma’ruza, amaliy mashg‘ulot, seminar mashg‘ulotlari shaklida olib boriladi, shuningdek, fanning dolzarb masalalari talabalarga mustaqil ta’lim sifatida o‘zlashtirish uchun beriladi. Fanni o‘zlashtirishda darslik, o‘quv va uslubiy qo‘llanmalar, ma’ruza matnlari, tarqatma materiallar, texnik vositalardan foydalaniladi. Ma’ruza, amaliy va seminar mashg‘ulotlari zamonaviy pedagogik texnologiyaning “Bumerang”, “Matbuot konferensiyasi” singari metodlari orqali hamda slaydlar, multimedia namoyishlari bilan o‘tkaziladi.

Asosiy qism


Fanning nazariy mashg‘ulotlari mazmuni
Turkiy xalqlar adabiyoti-jahon adabiyotining mushtarak bir bo‘lagi.
Turkiy xalqlar adabiyoti qadimiy tarixi. Turkiy xalqlar folklori va yozma adabiyoti to‘g‘risida ma’lumot.
Turkiy xalqlar adabiyoti fanining maqsadi-turk, ozarbayjon, qozoq, qirg‘iz, turkman kabi turkiy xalqlar adabiyoti to‘g‘risida muayyan tushuncha berish. «Manas», «Alpomish», «Go‘ro‘g‘li», «Qo‘rqut ota kitobi» singari xalq dostonlari, Mahmud Koshg‘ariy, Ahmad Yassaviy, Nizomiy Ganjaviy, Jaloliddin Rumiy, Abay, Muxtor Avezov, Chingiz Aytmatov, Maxtumquli singari turkiy adiblar ijodini o‘rganish.
Turkiy xalqlar adabiyoti fani tarix, falsafa, estetika, san’atshunoslik kabi fanlar bilan chambarchas bog‘liqligi.
Turkiy xalqlar adabiyoti fanining O‘zbekistonda va xorijiy mamlakatlarda o‘rganilishi.