O’zbekiston respublikasi oliy va o’rta maxsus ta‘lim vazirligi d. N. Mamedova, yu. Sh. Jurayeva gaz ta’minoti tizimi (o’quv qo’llanma) Qarshi – 2021 yil

3.3. Gaz asboblarini o’rnatish qoidalari

Gaz quvurli tarmoqni montaj qilish.

Gaz quvurli tarmoq industrial usulida montaj qilinadi. Gaz quvurlari suv va gaz ta’minotida ishlatiladigan qora quvurlardan o’lchash eskizlari bo’yicha yoki o’lchash – montaj haritasi bo’yicha SZM da tayyorlanadi.

Gaz quvurlarning barcha detallari markalanadi, ya’ni tamg’alanadi va montaj qilish joyiga yuboriladi, u yerda bo’laklardan ichki gaz quvurlar tarmog’i yig’iladi.


24 - rasm. Gaz plitasi va suv isitgichlarning turli ko’rinishdagi montaj sxemasi.

24 - rasmda sanitariya texnikasi blokiga o’rnatilgan gaz quvurlar montaji tik quvurlari bilan birgalikda ko’rsatilgan. Gaz quvurlar, shuningdek, zina katagi yoki oshxona devorlaridan o’tkazilgan tik quvurlar bilan birgalikda ham montaj qilinadi. Eng avval kiritish quvurlari bilan birga yertuladagi gaz quvurlar magistrali, so’ngra tik quvurlar va tik quvurlardan sarf o’lchagichlarga keltirish quvurlari yig’iladi.

Undan kein sarf o’lchagichlarning standart tutqichlari, ya’ni qattiq mahkamlagichlari o’rnatiladi va sarf o’lchagichdan to gaz asboblarigacha gaz quvurlar qismlari bir- biriga ulanmay yig’iladi va inventar kashak sarf o’lchagichi o’z joyiga o’rnatiladi.

Gaz quvurlar presslangandan so’ng gaz asboblari ulanadi. Bir vaqtning o’zida suv isitgichlarini devordan o’tgan gaz yo’llari bilan tutashtirish kerak.

Gaz quvurlar tarmog’i texnik talablarga muvofiq yig’ilishi kerak.

Gaz quvurlarini rezbali biritirish yoki payvandlash yo’li bilan yig’ish mumkin. Diametri 25 mm gacha bo’lgan quvurlar faqat quvur zagotovka qiladigan zavodlardagina payvandlanadi. Gazning bosimi 200 mm suv ustuni bosimidan ortiq gaz quvurlarni faqat payvandlab yig’ish lozim.