O’zbekiston respublikasi oliy va o’rta maxsus ta‘lim vazirligi d. N. Mamedova, yu. Sh. Jurayeva gaz ta’minoti tizimi (o’quv qo’llanma) Qarshi – 2021 yil

Gaz quvurlarni o’rnatishiga qo’yiladigan talablar.

Montaj qilingan gaz quvurlari quyidagi talablarga javob berishi kerak:

- stoyaklar vertikal holatda o’rnatilgan, gorizontal uchastkalar esa talab etilgan qiyalik bilan yotqizilgan bo’lishi kerak;

- gaz quvurlari ilmoqlar, xomutlar va shu kabilar bilan puxta qilib mahkamlanishi lozim ;

- rezbali ulanishlar yaxsxilab bajarilgan bo’lishi va unda chiqib qolgan zig’ir tolalari bo’lmasligi lozim;

- montaj qilingan tarmoq va o’rnatilgan asboblar chiroyli bo’lishi kerak.

Gaz quvurini montaj qilishida ham boshqa sanitariya texnikasi tizimlarining montajidagi kabi xavfsizlik texnikasi qoidalari bajariladi.

Gaz bilan ta’minlash tizimi qabul qilingandan so’ng gazdan foydalanish tuman idorasi tizimga gaz yuboradi.

Tarmoqqa gaz yuborishida undagi havoni siqib chiqarish kerak.

Tarmoqqa gazning to’lganligi va quvurlarda havoning yo’qligi gazoanalizator vositasida tekshiriladi; agar gazoanalizator bo’lmasa shlangning bir uchi sovunli suvga tushiriladi, ikkinchi uchi esa plitaning ramkasiga yoki gazda suv isitgichning keltirish quvuriga tutashtiriladi. Agar sovun pufakchalari chaqilgan gugurt alangasida yonmasa, shlangdan toza havo kelayotgan bo’ladi. Sovun ko’piklarining paqillab yonishi, portlash xavfini tug’diruvchi gaz va havo aralashmasi borligidan darak beradi. Sof gaz kelganda sovun pufakchalari paqillamay sekin-asta yonadi. Tekshirish tugagandan so’ng shlang olib tashlanadi, ramkaning bo’sh uchi bekitiladi va plitaning gorelkalari yoki gazda suv isitgichning gorelkalarini yoqib ko’riladi.

Montaj qilishdan avval butun gaz quvurlari zagotovkalar va buyumlar “Vodoprovod va kanalizatsiya” bo’limida ko’rsatilgandek tekshiriladi.