O’zbekiston Respublikasi Oliy va o’rta maxsus ta'lim vazirligi Buxoro davlat universiteti Pedagogika va jismoniy madaniyat fakulteti Til nazariyasi va metodikasi kafedrasi Sobit Avezov, Tavakkal Choriyev

Til va nutq o’stirish usuliyoti fanining boshqa fanlar bilan 
o’zaro aloqadorligi.
Til va nutq o’stirish usuliyoti fani boshqa fanlar 
bilan o’zaro hamkorlikda rivojlanadi. Ayniqsa, uning usuliy asosini 
tilshunoslik fani tashkil etadi. Chunki u tilning o’zaro bir-biri bilan 
vosita shakllari: tovush, so’z, gap va matn bilan ish ko’radi. Uslubiy 
nutq o’stirishda tilshunoslik fani nuqtai nazaridan ushbu qismlarni: 
fonetika, orfoepiya, orfografiya, leksikologiya va grammatikada 
o’rganadi, tahlil etadi. 
Tilshunoslik fanining bo’limlari til belgilari yuzasidan nazariy 
tushunchalarni o’rgatadi.
Chunonchi, so’zning ma'nosi va uning o’zak
mazmunini-leksikologiya, grammatika-so’zning tarkibiy xususiyati, 
morfemikasi, tovush va talaffuzi esa fonetik va orfoepik bo’limlarida 
o’rgatiladi. Bu esa bolalar nutqidagi kamchiliklarni aniqlash va tahlil 
etishda keng imkoniyat yaratadi. Tilshunoslikni atroflicha o’rgangan 
tarbiyachi bolaga har bir so'z ma'nosi va ularning til xususiyatlarini 
osonlikcha tushuntiradi va o’rgata oladi, tahlil qiladi. 
Tilshunoslik tilning mavhum tizimi shaklida nutqda namoyon 
bo’ladi,
psixologiya (ruhshunoslik) fani nutqda nutq faoliyatini, 
munosabatini, uni shakllantirish sharoiti va qulayliklari ustida ish 
ko’radi. Nutq o’stirish faoliyati fiziologiya fani bilan ham uzviy bog’liq. 
Nutq faoliyatii bola organizmi fiziologik jarayoni bilan o’lchab boriladi. 
Chunki nutqiy mavjudlik fiziologik jarayonda namoyon bo’ladi. Nutq 
o’stirish usuliyoti anatomiya fani bilan ham uzviy bog’liq, chunki bola 
tanasining sog’lomligi nutq rivojiga erishishishni ta'minlaydi. 
Bolalarning barchasi tarbiyachining mashg’ulot jarayonida yangi usul 
va amaliyotlarni bajarishga imkon yaratadi.
Til va nutq o’stirish usuliyoti pedagogika fani bilan uzviy 
bog’lanadi. Fan, tabiiyki, yana bir qancha fanlar bilan o’zaro 
aloqadorlikda olib boriladi. Bunday fanlarga adabiyot, musiqa va 
tasviriy san'at kabi fanlar kiradi.