Salomatlik uchun xafli tavakkal zarur emas.
Odam organizmi turli a’zo va to’qimalardan iborat murakkab tuzilgan
birlashma hisoblinib, ko’p darajali yuqoriga ko’tariluvchi va pastga tushuvchi
boshqaruv tizimiga ega. Tizimlar ichidagi va tizimlararo o’rnatilgan o’zaro aloqalar
organizmning ichki muhit ko’rsatkichlarini doimiyligini (gomeostazni) ta’minlaydi
va uni tashqi muhit bilan nozik o’zaro aloqasini amalga oshiradi. Organizmdagi
asosiy hayot faoliyati ko’rsatkichlari o’zini o’zi boshqarish printsipiga asosan
mavjud qaytar bog’lanishlar tizimi orqali boshqariladi.
Oragnizm faoliyatiga har qanday tashqi aralashuvlar, ayniqsa irsiy apparatga
ta’sir qilish og’ir oqibatlarga sabab bo’ladi. Yangi genni kiritish, ishlayotgan
genning faolligini orttirish, uning beradigan mahsulotining miqdorini o’zgartirish
yoki odamning genomidagi uxlayotgan genni faollashtirish, funktsiyalarni o’zaro
muvozanatini buzib, o’z-o’zini boshqarish mexanizmini ishdan chiqaradi. Natijada
ayrim a’zo va tizimlarda og’ir patologik o’zgarishlar yuzaga kelib, taraqqiy etishi
organizmning o’limiga sabab bo’lishi mumkin.
Sportchilarni yuqori natijalarga erishishga va mukofatlanishga harakatlarini
to’g’ri tushunsa bo’ladi. Biroq maqsadga erishish yo’lida taqiqlangan yo’lni tanlashi
sportchining salomatligiga ziyon keltirishi bilan birga, uning kelajagini ham yomon
bo’lishiga sabab bo’lishi mumukin.
Epogen doping salomatlik uchun eng xavfli doping hisoblanadi. Oddiy
sharoitda qondagi eritropoetinni miqdori uncha ko’p bo’lmasdan, eritrotsitlarni
normadagi miqdorini ushlab turish uchun yetarli hisoblanadi. Agar qonda
eritrotsitlarning miqdori qonda kamaysa, eritropoetin gormonini hosil bo’lishi
ko’payadi va ularni miqdori talab darajasiga ko’tariladi. Eritrotsitlarni soni yetarli
darajaga ko’tarilgandan keyin, eritropoetinni ishlab chiqarish kamayadi. Sportchi
tomonidan epogenni ko’p iste’mol qilish yuqoridagi o’z-o’zini boshqarish
mexanizmining ishini buzadi. Natijada eritropoetinin miqdorini va eritrotsitlarni
sonini qonda ko’payishi uning kislorod sig’imini orttirish bilan birga
yopishqoqligini ham orttirib yurakni ishlashini qiyinlashtiradi. Qon quyuqlashib,
qonda quykalarning paydo bo’lishi, qonni harakatlanishini buzadi, infarkt va
insultning yuzaga kelishiga sharoit yaratadi. Qonni suyultirish uchun turli dori
vositalaridan foydalaniladi, shunda ham xavf to’la bartaraf etilmaydi.
Maymunlarda o’tkazilgan tajribalarda olimlar qon olish yo’li bilan uni
suyultirish orqali salbiy ta’sirni samarasini kamaytirishga harakat qilishgan. SHunga
qaramasdan ko’p maymunlar o’lgan. SHu tajribalarda ayrim maymunlarda teskari
samara kuzatilgan. Eritropoetinning kontsentratsiyasi noma’lum sababga ko’ra
kamayganligi sababli, eritrotsitlarni va gemoglobining miqdorini pasayishi
anemiyani keltirib chiqargan. Bu holatda ham maymunlar boshqa sababga ko’ra,
kislorod yetishmaganligi uchun o’lgan.
Eritropoetinni qondagi miqdorini asliga qaytishi juda qiyin. Tur de Frans
velopoygasi qatnashchilariga eritropoetin ukol qilingandan keyin qonning holati bir
nechta xavftadan keyin asli holatiga qaytgan. Ikkinchi marta eritropoetin
yuborilgandan keyin, qonda eritrotsitlarni kontsentratsiyasi ko’payishi sababli
qonning yopishqoqligi ortib organizmni o’limigacha olib kelishi mumkin.
Muskul massasini ko’paytirish va alohida muskularni kuchini orttirishga
genetik dopingdan foydalanish ham salomatlikka katta xavf soladi. Alohida
muskullarni yoki muskul guruxlarini doping ta’sirida disproportsional o’zgarishi
bunday o’zgarishga uchramagan va adaptatsiyalanmagan, ularni o’rab turuvchi
to’qimalarga, ular bilan bog’liq pay va suyaklarga ta’sir qiladi. O’sish
mexanizmlariga tashqaridan yot omilni ta’sir etishi, muskullararo va tizimlararo
aloqalarning buzilishini keltirib chiqaradi. Yuqori malakali sportchilarda maksimal
yuklamalar ta’sirida o’rab turgan to’qimalarni yemirilishi, bog’lamlarni yirtilishi va
suyaklarni sinishi kuzatilishi mumkin.
Xozirgi vaqtda odamning genetik apparatiga ta’sir etishdan yuzaga keladigan
qo’shimcha o’zgarishlar va keyingi oqibatlar xaqida to’la ma’lumotlar yo’q. Rak
o’smalarini hosil bo’lishiga, xujayra membranalarini o’tkazuvchanligini buzilishiga,
membrana va harakat potentsialini o’zgarishiga, nerv tizimida axborotlarni
o’tkazilishiga, buyraklarda filtirlanish jarayonlariga va boshqalarga ta’siri mutlaqo
o’rganilmagan.
Genetik dopingning qo’llanilishini bo’lajak avlodga ham juda yomon ta’siri
bor. Sportchi o’zi mutant bo’lib qolmasdan, uning bolasining mutant bo’lishi xavfi
mavjud.
Xali o’rganilib aniqlanmagan va ehtiyot chorasi topilmagan o’zgarishlar eng
xavfli hisoblanadi. 1999 yili 18 yoshli sportchi organizmiga irsiy aralashuv sababli
juda ko’p a’zolarida yuzaga kelgan salbiy o’zgarishlar sababli vafot etgan,
xozirgacha uning sabablari noma’lumligicha qolmoqda. Genetik doping qabul
qilgan sportchtlar yutuqqa emas, balki o’limga tavvakal qilishadi. Ularning
ko’pchiligi doping qo’llanishining oqibatlari xaqida yetarli ma’lumotga ega emaslar,
biroq noqonuniy yo’l bilan g’alabaga erishib moddiy mukofatlanish orzusi ustunlik
qiladi. Olimpiada chempionlarida 1995 yili o’tkazilgan so’rovnomada
qatnashchilarning yarmidan ko’pi, genetik doping qabul qilib besh yil davomida
g’alabalarga erishib undan keyin xattoki o’limga ham rozi ekanligini bildirishgan.
Ketirilgan ma’lumotlar Xalqaro Olimpia Komitetini kuchli tashvishga soldi.
1990-chi yillarning oxirlarida XOK doping qabul qilish tizimini nazorat qilishni
tashkil qilishga qaror qildi. 1999 yili Dopingga qarshi Agentlik tashkil qilinib, unga
genetik doping qabul qilish natijasida yuzaga keladigan salbiy oqibatlar xaqida
ma’lumotlar kelib tusha boshladi. Bu agentlikni tashkil qilinishi nihoyatda zarur
bo’lib, genetik dopinglarni xujayraga kiritishning xozirgi zamon texnologiyasi
yaxshi ishlab chiqilgan va undan molekulyar biologiyaga ixtisoslashayotgan talaba
ham bemalol foydalanishi mumkin. SHu sababli genetik dopinglarni yaqin kelajakda
keng miqiyosda qo’llanishi xavfi bor. Sport kurashlari natijalarini sekundning
ulushlariga va santimetrlarga bog’liqligi va genetik dopinglarning qo’llanilishini
osonligi, sport murabbiylarini va sportchilarni albatta qiziqtiradi.
XOK oxirgi yillarda genetik dopinglar muammolarini muxokama qilishga
genetik olimlarni taklif qilmoqda. Xalqaro Dopingga qarshi Agentlikni muammolari
doirasiga dopinglarni barcha shakllari shu jumladan genetik doping ham kiritilgan.
Genetika fanining buyuk yutuqlari organizmni imkoniyatlarini kuchaytirish
uchun nolegal vositalardan foydalanishga yo’l ochib berdi. Xozirgi vaqtda genetik
doping sportni rivojlanishi va sportchilarni salomatligiga salbiy ta’sir ko’rsatuvchi
eng yomon omil hisoblanadi.
Odam genomiga ta’sir qilish usullarini keng tarqalishi uning evolyutsiyasini
taxmin qilib bo’lmaydigan darajada o’zgartirib tashlashi mumkin.
Xozirgi vaqtda sport amaliyotida sportga tanlab olish samaradorligi juda past,
sportchini muvoffaqiyatini taxminlash esa 60-70% ortmaydi. Odam genetikasi
qonuniyatlarini bilish murabbiylar va o’qituvchilarning faoliyatini yaxshilash
zahiralarni ko’rsatib beradi.
Jismoniy tarbiya va sport uchun odamni hayot faoliyatining irsiy asoslarini
bilish muhim ahamiyatga egaligi quyidagilardan iborat bo’ladi:
- organizmni o’sishi va rivojlanishini irsiy nazorat qilish yoshlik davrida eng ko’p
ta’sirga ega bo’lib, shu davrda jismoniy mashqlar bilan shug’ullanuvchilarning
soni ko’p bo’ladi;
- oddiy sharoitda odam faoliyatiga irsiyatning ta’siri unchalik sezilarli emas,
kuchli jismoniy va psixoemotsional zo’riqish, eng katta quvvatli va davomli ishni
bajargan (sport musobaqasi shunga o’xshash) vaqtda uning ta’siri kuchliroq
bo’ladi;
- odamni genetik xususiyatlariga mos kelmaydigan sport turini va musobaqa
yo’lini tanlash sportchilarni chiniqish jarayonining rivojlanishini sekinlashtiradi,
organizmda harakatlarni boshqaruvchi funktsional tizimning noqulayligini
shakllantiradi, tizim ichida va tizimlararo keraksiz o’zaro bog’larni hosil bo’lishi,
kompensator reaktsiyalarni ko’paytirib, qo’shimcha zo’riqishlarning hosil
bo’lishi hisobiga sportchi salomatligiga xavf tug’iladi va oxir oqibatda sport
mahoratining ortishiga to’sqinlik qiladi.
Sportchilar, murabbiylar va vrachlar chiniqish mashg’ulotlarini to’g’ri tashkil
qilish, sportga mo’ljallash, tanlab olish va musobaqa faoliyatining muvoffaqiyatini
shaxsiy taxminlash uchun organizmga irsiyatni ta’sir qilish qonuniyatlarini yaxshi
bilishi zarur.
Xozirgi vaqtda sport genetikasi yutuqlari bilan qurollangan yangi avlod
sportchilarini, murabbiylarini, o’qituvchilarini, vrachlarini va bolalar muassasalari
xizmatchilarini tayyorlash kerak. SHundagina chiniqish mashg’ulotlarini
samaradorligi ortadi, yuqori malakali sportchilarni tayyorlash muddati qisqaradi va
keng aholini sog’lomlashtirish ishlari yaxshilanadi. Genetika qonuniyatlarini yaxshi
bilish va sport turiga moyilligini ko’rsatuvchi irsiy belgilardan foydalanish uchun
murakkab asbob va uskunalar talab qilinmaydi, iqtidorli bolalarni sportga tanlab
olishning yosh chegaralari sezilarli darajada pastlaydi, har bir bolaning irsiy
xususiyatlarini aniqlash uchun keng qamrovli monitoring ishlarini amalga oshirish
imkoniyati paydo bo’ladi.
DNK bo’laklarini xozirgi zamon biotexnologiyasi yordamida tahlil qilish
sportga tanlab olishga keng imkoniyatlar yaratadi. Tez chiniquvchanlik
xususiyatlaridan foydalanish orqali sport mahoratining yuqoriga ko’tarilishini
tezlatib, elita sportchilarni tayyorlash muddatini qisqartiradi.
Sportchi va murabbiylarga xozirgi vaqtda sportda qo’llanilayotgan dopinglarni
va ularni aniqlash usullari xaqida bilimlar berishga alohida e’tibor berish lozim.
Genetik dopinglarga e’tiborni qaratish eng muhim masala hisoblanadi.
Xozirgi vaqtdagi fiziologlar, sport vrachlari va genetiklar oldida turgan eng
dolzarb masalalardan biri murabbiy va sportchilarga, sportchining salomatligiga va
ularni bo’lajak avlodiga genetik dopinglarning salbiy ta’sirlarini tushintirish
hisoblanadi.
Do'stlaringiz bilan baham: |