O’zbekiston respublikasi oliy va o’rta maxsus ta’lim vazirligi andijon qishloq xo‘jaligi va agrotexnologiyalar instituti

Kunjut (Кунжут индийский) - Sesamum indicum L.
Kunjut moyi farmatsevtika amaliyotida dori moddalarni eritish, malham va surtmalar tayyorlashda qo’llaniladi. Kunjut moyi qondagi trombotsitlar miqdorini oshiradi va qon ivishini tezlashtiradi. Shuning uchun u ba’zan qon kasalliklarini (trombopeniya, gemor- ragik diatez va boshqalar) davolashda ishlatiladi.
Kunjut urug’i va moyini Abu Ali ibn Sino nafas olish og’irlashib qolgan hollarda bemorga iste’mol qilishga bergan. U yana urug’ va moyi bilan tanadagi, ko’zdagi shishlami, astma kasalligini hamda qon quyilgan, urilib ko’kargan joylami davolagan.
Kunjut urug’i va moyi oziq-ovqat sanoatida keng miqyosda ish­latiladi.
Moychechak (Ромашка) - Matricaria L.
Moychechak turlari astradoshlar (Murakkabguldoshlar) - Asteraceae (Compositae) oilasiga mansub bo’lib, bo’yi 15-40 sm keladigan bir yillik o’t o’simliklar hisoblanadi. Poyasi tik o’sadi, sershox bo’ladi. Barglari ingichka chiziqsimon, o’tkir uchli segmentlarga ikki marta patsimon ajralgan bo’lib, poyasi bilan shoxlarida ketma-ket o’mashgan. Gullari uzun bandli (yashil moychechakniki kalta bandli), poyasi bilan shoxlari uchidagi savatchaga joylashgan. Savatchaning tilsimon gullari oq rangli (yashil moy- chechakda tilsimon gullar bo’lmaydi), naychasimon gullari sariq yoki yashil rangli bo’ladi. Moyehechakning mevasi - pista hisobla­nadi. Moychechak may oyidan boshlab kuzgacha gullaydi va mevasi yetiladi. Tibbiyotda uning ikki turi ishlatiladi - Dorivor moychechak (ромашка аптечная,) - Matricaria recutita L. va Xushbuy moy­chechak (ромашка душистая) - Matricaria matricarioid.es Porter.
Moychechak MDHning Yevropa qismining janubida, Kavkaz, Qrim, Ukraina va Sibiming janubiy hududlaridagi o’tloqlarda, be­gona o’t sifatida ekinzorlarda, yo’l chekkalarida o’sadi. Moychechak dorivor o’simliklar yetishtirishga ixtisoslashgan xo’jaliklarda keng miqyosda yetishtiriladi, uning xomashyosiga bo’lgan talab tobora ortib bormoqda.