O‘zbekiston respublikasi oliy va o’rta maxsus ta'lim vazirligi andijon davlat universiteti boshlang’ich ta’lim metodikasi kafedrasi ona tili va adabiyot ta'lim sohasi: 110000 Pedagogika Ta'lim yo’nalishi

370-mashq. O‘qing. Umumlashtiruvchi so‘z qatnashgan uyushiq bo‘lakli gaplarni topib, qanday bo‘lak uyushganligini ayting.

1. Traktorlarning tarillashi, tog‘-tog‘ xarsang tosh, tuproq uyumlarining qulashi, vahimali gumburlashlar — bularning hammasi haqiqiy jang maydonini eslatardi. (J. Abd.) 2. Bu yerda hamma narsa: qizil daraxtdan ishlangan panel ham, ko‘rkam va qulay mebellar ham, billur qandil va qimmatbaho matodan tikilgan darparda, polga to‘shalgan mayin turk gilami kishida taassurot qoldirishga mo‘ljallangan. (V. yegorov.) 3. Uning yurish-turishi, kafedra oldida so‘zlash usullariga taqlid qiluvchilar ham ko‘p. (J. Abd.) 4. Ziyofatga Hirotning eng ilg‘or kishilari: olimlar, shoirlar, hofizlar, mashshoqlar, xattotlar, teri ishlaydigan va kimxob to‘qiydigan mashhur hunarmand ustalar, muqovasozlar va egarsozlar to‘planishgan edi. (L. Bat.) 5. Men hamma narsani: charchoqni ham, yor-do‘stlarimni ham, kolleksiyalarimni ham unutdim. (J. Vern.) 6. Shu daqiqalarda uning fikru xayolini uch narsa band qilgan edi: farzandlarining bemorligi, Olim mo-jarosi, Norzoda bilan munosabati. (F. Niyoziy.) 7. U minglarcha yilgi madaniyatni, asrlarning fikr boyligini qamragan shoir edi. (O.)