O‘zbekiston respublikasi oliy va o‘rta maxsus talim vazirligi ajiniyoz nomidagi nukus davlat pedagogika institutí

Mustaqil ravishda engillashish mashqlarini amalga oshirish bo`yicha maslhatlar:
1 Aqlda tiniqlikka erishish uchun tanangiz engillashishiga olib keling. Qulay o`tirib oling va muskullarni bo`shashtiring, xotirjam va bir tekisda nafas oling.
2 Fikrlaringizni tartibga keltiring, nima haqida mulohaza yuritishni aniqlashtirib oling. Sizni boshingizda g`ujg`on o`ynayotgan majburiyatlar, ehtiyojlar, xohish, yumushlarning ro`yxatini tuzing. Yashirin bezovtalanishlardan xalos bo`ling.
3 Sizni o`rab turgan olamga qarang. Bevosita sezgilaringizga qaytishga o`rganing. Diqqatingizni yuz foiz to`play olishga, uni har qanday vaqt va sharoitda boshqarishingizga imkon beruvchi usulni toping.
4 Vaqti-vaqti bilan o`zingizni engilashishingiz uchun bir necha daqiqa vaqt ajrating. Har kuni barcha yumush va tashvishlarni uloqtirib, o`zingizni engillashtirishga odatlaning.
Mashq : Diqqatning ikki daqiqasi.
Mashqning maqsadi: ishtirokchilarning diqqatini bir joyga to`plashga o`rgatadi, fikrlash yo`nalishini topish malakasini shakllantiradi.
Zarur jihoz: stul, sekundni ko`rsatuvchi strelkali soat.
Ishtirokchilar yana davra bo`lib oladilar. So`ngra boshlovchining ko`rsatmasiga tayangan holda mashqni bajarishga kirishadilar.
Sekundni ko`rsatuvchi soatning oldiga qulay o`ltirib oling. Bir necha lahzada o`zingizni bo`sh tuting, diqqatingizni to`plang. Agar bunga tayyor bo`lsangiz soatning sekundli strelkasi harakatini kuzatib boshlang.
Ikki minut davomida diqqatingizni ongingizni soatning sekundli strelkasiga jamlang, go`yoki olamda boshqa hech narsa yo`qdek.
Siz diqqatni to`plashdan chetga chiqib, biron-bir narsa haqida o`ylab boshlasangiz, parishonxotirlikka yo`l qo`ysangiz mashqni to`xtating va diqqatni yig`ishni yana qaytadan boshlang.
Diqqatni to`liq ikki daqiqa to`plashga harakat qiling.
Demak, hamma soatlarni olsin va mashqni boshladik.
Ushbu mashqdan so`ngra diqqatni tanlovchanligini shakllantirishga yo`naltirilgan mashqni bajarishga kirishiladi.