O‘zbekiston respublikasi oliy va o‘rta maxsus talim vazirligi ajiniyoz nomidagi nukus davlat pedagogika institutí

Psixokorrektsion dastur mashqlari
KIRISh
Psixokorrektsion dasturni amalga oshirish bo`yicha ajratilgan bo`limlarning barchasi aqliy qobiliyatlarning u yoki bu komponentlarini shakllantirishga qaratilganligi tufayli ularning barchasi uchun yagona kirish mashqlarini qo`llash tavsiya etiladi.
Psixokorrektsiyaga kirish ikki bosqichda amalga oshiriladi.
I-bosqich. «Aqliy salomatlik anatomiyasi» mashqi.
Dasturning birinchi bosqichi korrektsion dasturga zarurat tug`ilgan shaxsni aniqlashga mo`ljallangan o`z-o`zini tashxis etish savolnomasiga asoslaniladi.
1. Siz aqliy qobiliyatingizni qanday darajada rivojlangan deb baholaysiz?
2 Yuqori. Mening aqliy qobiliyatim g`ayri-tabiiy.
3 O`rta. Menda vaqti-vaqti bilan har xil g`oyalar paydo bo`lib turadi. Vaqti-vaqti bilan aqlimni mashqlantirib turaman.
4 Quyi. Mening boshim xuddi murabbo bilan to`ldirilgan idishga o`xshaydi. Mening miyamni taribga keltirish kerak.
Shunga ko`ra shaxsning aqliy qobiliyatlarining har bir darajasi uchun ham ma`lum darajada diqqatning uquvi, mulohazalash, fantaziya qilish, muammoni hal etish, aniq va tezkor fikrlash uchun mashqlar zarurligini ko`rsatadi.
Agar siz o`zingizning aqliy qobiliyatingizni mukammal deb hisoblamaydigan bo`lsangiz, psixologik trening mashqlariga murojaat qilishingiz lozim. Siz o`zingizga quyidagi savol bilan murojaat qiling: «Qanday qilib men aqliy qobiliyatimni rivojlantirishim mumkin?» Buning uchun dastlab trening ishtirokchilariga miyaning muskul tuzilmalari to`g`risida tushuncha beriladi.
II-bosqich. «Fikran sayyohat» mashqi.
Tasavvur qiling siz qo`lingizda apel`sin ushlab turibsiz. Siz qanday tuyg`uni sezayotganligingizni, uni qanday ko`rinayotganligi va u qanday hid taratayotganligini tasavvur qiling.
Uning timsolini lahzali namoyon bo`lishi bilan bir qatorda aniqroq ifodalashga harakat qiling. Hozir sekin-astalik bilan apel`sinni qismlarga ajrating, kichkina bir bo`lagini tishlab ko`ring. So`ngra bo`laklarni diqqat bilan o`rganishga harakat qiling. Endi apel`sin bo`laklarini bir necha ming barobar va million barobar kattalashgan holatini qanday ko`rish mumkinligini o`zingizdan so`rab ko`ring.
Keyingi bir necha daqiqa davomida siz apel`sin haqida ma`lum bo`lgan narsalarni eslab ko`ring. Buning uchun apel`sin apel`sin uchun nima qilib berishi mumkin, uning mazasi nimada, er yuzida apel`sinning nechta turi bor, etilish vaqtida apel`sinda qanday o`zgarishlar bo`ladi, apel`sindan qanday foydalanish mumkin va yaxshi apel`sin murabbosini olish uchun nima qilish kerakligi haqida o`ylab ko`ring.