O`zbekiston respublikasi oliy va o`rta maxsus ta`lim

Kasallikning oldini olish:

Maktab yoshidagi bolalarda kasallikning dastlabki alomatlarini barvaqtroq aniqlash, partada to`g’ri o`tirishga odatlantirish, qo`lda olib yuriladigan portfellar o`rniga jilt – papkani elkaga osib yurish kabilar profilaktik tadbirlar sirasidandir.

Yuqoridagilarga qo`shimcha tarzda to`shak qattiqroq bo`lishi kerakligiga ahamiyat berish lozim. Qo`lda tortilish mashqlarini shifokor nazorati ostida bajargan ma`qul. Shuningdek, bu xastalikda suzish ham juda foydalidir.

Bo`yin osteoxondrozini mashqlar bilan engamiz


Sog’lomlashtiruvchi gimnastika bo`yin osteoxondrozi muolajasida muhim hisoblanadi. Ayniqsa, kasallik ko`p o`tirish va kamharakatlilik oqibatida kelib chiqqan bo`lsa, bunday gimnastikaning samarasi sezilarli.

Mashqlar umurtqa, xususan, bo`yindagi zo`riqishni va og’riqni bartaraf etadi, harakatchanlikni tiklaydi.

Kasallangan umurtqa pog’onasi zo`riqib qolmasligi uchun gimnastikani ehtiyotkorlik bilan va ohista bajarish kerak.

Bemor mashqlarni o`zicha bajarishi to`g’ri emas, shifokor bilan maslahatlashish zarur.

Odatda shifokorlar tavsiya etadigan ayrim mashqlar bilan tanishsak.

1. 
   Bu mashq tik turgan yoki stulda o`tirgan holda bajariladi. Mushaklar bo`shashgan, qo`llar ikki yonda. Boshni imkon qadar chap tomonga buring, so`ng ohistalik bilan dastlabki holatga qaytib, xuddi shuni o`ng tomonda ham bajaring. SHuni 5-10 martadan takrorlang.
   
2. 
   Boshni yon tomon eging, ayni paytda qo`l kafti yordamida egilishga qarshilik ko`rsating. Masalan, boshni chap tomonga egganda chap qo`l bilan qarshilik ko`rsatasiz. Mashqni 30 soniyalik tanaffus bilan 5-10 marta takrorlang.
   
3. 
   Oldingi mashqqa o`xshaydi, ammo egilishlar old va orqaga bo`ladi. Boshni old tomonga egganda, qo`lni iyakka tiragan holda qarshilik ko`rsating.
   
4. 
   Stulda o`tirgan yoki tik turgan holda qo`llar yon tomonga tushiriladi. Elkalarni iloji boricha yuqoriga ko`taring. SHunday holatda 10 soniya turing, keyin bo`yin mushaklarini bo`shashtirib, elkalarni asta tushiring. CHuqur nafas olib, mashqni 5-10 marta bajaring.
   
5. 
   Qo`llarni bosh orqasiga olib o`tib, barmoqlarni ensada birlashtiring. Boshni asta orqaga tashlang va shu paytning o`zida qo`llar bilan teskari tomonga qarshilik ko`rsating. SHu holatda bir necha soniya turing. Dam olib, mashqni 3-6 marta qaytaring.
   

Gimnastika mashqlariga boshni aylantirish kiritilmaydi, chunki bunda umurtqaning bo`yin qismi zo`riqib, og’riq kuchayib ketishi mumkin.

Nevrologik kasalliklar yoki vestibulyar apparat faoliyati buzilishida bunday gimnastikani bajarish tavsiya etilmaydi.

Unutmang, sog’lomlashtiruvchi mashqlar to`g’ri bajarilsa, bo`yindagi og’riqlar ancha engillashganini, erkin harakatlanish imkoniyati paydo bo`lganini his qilasiz.

CHIROYLI QOMATNI ORZU QILASIZMI?

Qomati chiroyli bo`lishini istamaydigan ayol bormi bu dunyoda?.. Albatta, yo`q. SHunday ekan, o`zingiz uchun vaqt toping, mashqlar bilan muntazam shug’ullanishni kanda qilmang. Bu bir tomondan qaddi-bastingizni chiroyli qilsa, ikkinchi tomondan sog’lig’ingiz uchun koni foyda.