O'zbekiston respublikasi oliy va orta mahsus ta’lim vazirligi

Morfologiyasi. Gripp virusining tuzilishi murakkab. Uning tarkibiga bitta RNK ipchasi kiradi va u nukleokapsid, spiralsimon va lipiduglevod proteinli (yog‘, uglevod, oqsil) qobiq bilan himoyalangan. Kapsomer- larining miqdori to‘liq aniqlanmagan. Virusni, asosan, sferik shakli, kamroq hollarda ipsimon shakllari ham uchrab turadi. RNK xo‘jayin to‘qimasi yadrosida sintezlanadi. Virusning oqsili esa sitoplazmada sintezlanadi. Virus tarkibi to‘qima qobig‘iga yaqin holda tashkil topgan.
Kultural xossasi. Gripp virusi tovuq embrionining aminotik va allantois qobig‘ida yaxshi rivojlanadi. Bundan tashqari, maymun buyrak to‘qimasi kulturasida va odam embrionida yaxshi rivojlanadi.
Antigenlik tuzilishi. Gripp virusi S — antigenini saqlaydi, komplement bog‘lanish reaksiyasida ular A, B, C turlariga bo‘linadi. A virusida yana 2 ta antigen—gemagglutinin va neytraminidaza antigenlari aniqlangan. Gemagglutinin 4 ta (Ид, H, H2, H3), neyraminidaza 2 ta (Nj va N2) hisoblanadi. B tur virusi chidamli, C tur virusi eng chidamli hisoblanadi.
Gripp virusi o‘z tarkibida kichik turlarini saqlaydi.
Chidamliligi. 65°C harorat ta’sirida 5—10 daqiqada, 50°C ta’sirida bir necha daqiqada nobud bo‘ladi. Uy haroratida bir necha daqiqadan so‘ng inaktivatsiyalanadi. Kislota, ishqor, efir, dezinfeksiyalovchi moddalar ta’sirida tez nobud bo‘ladi. UBN (ultrabinafsha nur) ta’siriga sezgir.