O‘zbеkistоn rеspublikаsi оliy vа o‘rtа mахsus tа’lim vаzirligi farg’ona davlat univеrsitеti

Mavzu yuzasidan savollar
1. O’smirlar jinoyatchiligini keltirib chiqaruvchi sabablar?
2. Jinoyat qilish motivlarini sanab bering?
3.Jinoyat sodir etgan voyaga yetmagan bolalarni profilaktikasi qanday amalga oshiriladi?
4.Ijtimoiy pedagogning jinoyat sodir etgan bolalar bilan olib boradigan ishlari haqida?

26-mavzu: Bolalar muassasasida ijtimoiy pedagogning kasbiy maqomi va vazifalari.
Reja:
1. Maktab-ochiq ijtimoiy pedagogik tizim sifatida
2. Bolalarga qo`shimcha ta'lim berishning ijtimoiy-pedagogik modeli.
3. Bolalarni ijtimoiy himoyalash mikromarkazlari
4. Internatlarda olib boriladigan ijtimoiy-pedagogik faoliyat
5. Ijimoiy pedagog faoliyatining valeologik modeli.
Tayanch tushunchalar: ijtimoiy himoyalash, ijtimoiylashuv , moslashuv, Go’daklik, Maktabgacha ta’lim muassasasi, ijtimoiy-pedagogik faoliyat, tarbiyaviy, ijtimoiy muhit, ijtimoiy – iqtisodiy, huquqiy va psixologik omillar va boshq.
Sotsiumda insonparvarlik munosabatlarni shakllantirish ijtimoiy pedagogik faoliyatning asosiy maqsadi va ma'naviy ahloqiy asosi hisoblanadi.
Ko`pchilik mamlakatlarda shaxsning insonparvarlik g`oyalari asosida ijtimoiylashtirish kontseptsiyasi asosida faoliyat yuritayotgan maktablar mavjud. Germaniyadagi xolistik maktablarning pedagogik kontseptsiyasi, Shvettsiya va Amerikadagi hamda Rossiyadagi “Kichik tumonlar maktabi” (“Maktab mikrarayon”)shular insonparvarlik tizim sifatida namoyon bo`ladi.
Ochiq maktablar ko`p qirralari vazifalarni bajarib, kun davomida bolalar va kattalar uchun faoliyat ko`rsatadi. Ular xohlagan vaqtlarida bu maktabga kelishlari mumkin. Bu maktablar oila, ma'naviy-ma'rifiy tashkilotlar, ish joylari, mahalliy hokimliklar, jamiyat tashkilotlari kabi ijtimoiy institutlar bilan hamkorlik qiladi. Eng asosiysi bolaning ta'lim va tarbiyasi ijodiy faoliyat asosida olib boriladi; maktab bolaning rivojlanishi uchun barcha sharoitlarni yaratib beradi. Ochiq maktablar strukturasida yangi tarbiyachiijtimoiy pedagoglar faoliyat ko`rsatadi. U shaxs va jamiyat o`rtasidagi “vositachi” rolini bajaradi.
Bunday maktablar asosan;
▪ o`qituvchilarning pedagogik bilimini boyitish
▪ sotsiumning imkoniyatlarida foydalanib, ota-onalarning umummadaniyatini rivojlantirish:
▪ ijtimoiy foydali madaniy dam olishini tashkil etishga doir o`z faoliyatlarini olib boradi.