O‘zbekiston respublikasi oliy ta’lim, fan va innovatsiyalar vazirligi farg‘ona politexnika instituti «Menejment»

Korxona boshqaruv tizimini yaratish tamoyillari.
Biznes reja ishlab chiqish jarayonidagi tashkiliy bo‘limda loyihani amalga oshirish uchun ishlovchilar soni, korxona tashkiliy tuzilmasi, ularni tarkibi aniqlangan edi. Endigi bosqichda har bir boshqarish bo‘g‘imining qanday bo‘lishi, qanday printsiplarga amal qilishni ko‘rib chiqamiz.

• 
  Xodimlarga ishonch bilan vazifalarni yuklatilishi;
  
• 
  Menejmentda javobgarlik asosiy shart sifatida qaralishi;
  
• 
  Boshqaruvning gorizontal va veritikal yo‘nalishlarida kommunikatsiya roli;
  
• 
  Korxonada xodimlar qobiliyatini namoyon qiluvchi muxitni yaratish;
  
• 
  Korxonaning umumiy natijalarida har bir xodimning ishtirokini ta’minlash;
  
• 
  Korxonadagi o‘zgarishlarga o‘z vaqtida reaktsiya qilish muxitini yaratish;
  
• 
  Xodimlarni o‘z ishidan qoniqadigan boshqarish usullarini qo‘llash;
  
• 
  Biznes etikasini menejmentning oltin qoidasi sifatida ko‘rish;
  

Yuqoridagi tamoyillardan kelib chiqib menejmentga turlicha yondashish mumkin.
Menejmentga tizimli yondashuvda korxonani o‘zaro bog‘liq bo‘lgan bir tizim sifatida qaraladi. Bunda korxona va boshqaruvchining maqsadlari boshqa korxonalardan farq qilishi muxim hisoblanadi. SHu sababli tizimli boshqaruvda korxona va uni boshqarishga nisbatan fikrlash usuli ustuvor sanaladi.
Menejmentga jarayonli yondashuvda boshqaruvni jarayon deb qaralishi birinchi o‘rinda turadi. Bunda xodimlar yordamida biror maqsadga erishishni bir biri bilan bog‘liq ko‘plab xarakatlar yig‘indisi sifatida ko‘riladi. Bu xarakatlarning har biri jarayon bo‘lib, ularni boshqaruv funktsiyalari deyiladi. Boshqaruv funktsiyalariga rejalashtirish, tashkil qilish, motivatsiya va nazorat qilishni kiritish mumkin.
Menejmentga vaziyatli yondashuvda asosan tashkiliy muammolar va ularning yechimlari ustuvor hisoblanadi. Uning o‘ziga xos xususiyatlari quyidagicha:

1. 
   Boshqaruvda fanni aniq vaziyat va sharoitlarga bevosita tadbiq etish imkoniyati;
   
2. 
   Asosiy e’tibor bu muayyan vaqtda tashkilotga ta’sir ko‘rsatuvchi xolatlarning konkret to‘plami;
   
3. 
   Aloxida xolatlarda tashkilot maqsadlariga erishishda qanday usullarni qo‘llash samara berishini raxbar his qilishi;
   
4. 
   Yondashuv korxona maqsadlariga erishishda qo‘llayotgan usullar va tamoyillarni bir biri bilan bog‘lashga xizmat qilishi;
   
5. 
   Yondashuv tashkilotlararo va tashkilot ichidagi vaziyatlardan foydalanishi. Ya’ni menejer korxona boshqaruvidagi ro‘y berayotgan xolatlarni to‘g‘rilash bilan bu xolatlardan samarali foydalanishi mumkin.