O’zbekiston respublikasi milliy gvardiyasi harbiy-texnik instituti

 
 

---

387 
O’ZBEKISTONDA HARAKATLAR STRATEGIYASINI AMALGA 
OSHIRISHDA YOSHLARNING JAMIYATDAGI FAOLLIGI 
MASALALARI
106
 
Har qanday davlatning poydovori mustahkamligi, barqarorligi, kelajagi shu 
yurtda voyaga yetib kelayotgan yosh avlodning har tomonlama ma’naviy – axloqiy 
jihatdan kamol topishiga ham bevosita bog’liqdir. Shunday ekan, bu vazifani a’lo 
darajada bajarish davlatning olib borayotgan siyosati, barcha sohalarda olib 
borilayotgan islohotlarga bevosita bog’liqdir.
Mustaqillik yillarida yoshlar masalasiga mamlakatimizda olib borilayotgan 
davlat siyosatining eng muhim ustuvor yo’nalishlaridan biri sifatida qarab 
kelinmoqda. Mustaqilligimizning ilk davrlaridayoq O’zbekiston Respublikasi 
Birinchi Prezidenti Islom Karimov tomonidan ishlab chiqilgan taraqqiyotning 
“o’zbek modeli”ga hamda kuchli ijtimoiy siyosat printsiplariga asoslangan holda 
yoshlar huquq va manfaatlari Konstitutsiyamiz va qator qonunlarimizda 
mustahkamlab qo’yildi. 1991 yil 20 noyabrda qabul qilingan “O’zbekiston 
Respublikasida yoshlarga oid davlat siyosatining asoslari to’g’risida”gi Qonun 
yoshlarning ijtimoiy hamda ma’naviy kamol topishi uchun shart-sharoit yaratib 
berishga qaratilgan yoshlarga oid siyosatni ishlab chiqish va uni amalga oshirishning 
qonuniy asosini yaratib berdi. 
Bugungi kunda mamlakatimiz aholisining qariyb 64 foizini yoshlar, ya’ni 30 
yoshgacha bo’lganlar tashkil etadi. Bu, bir tomondan, davlatimiz zimmasiga ulkan 
mas’uliyat yuklasa, ikkinchi tomondan yoshlarga oid maqbul siyosat yuritish 
natijasida ulkan imkoniyatlar ham beradi. Davlat tomonidan yoshlarning mamlakat 
manfaatlari yo’lida erkin ijtimoiylashuvi va o’zini samarali namoyon etishi uchun 
maqbul sharoit va imkoniyat yaratish borasida amalga oshirilayotgan chora-tadbirlar 
tizimi yoshlarga oid davlat siyosatini anglatadi. 2016 yil 14 sentyabr kuni 
O’zbekiston Respublikasi Prezidenti Shavkat Mirziyoyev “Yoshlarga oid davlat 
siyosati to’g’risida”gi Qonunga imzo chekdi. Mazkur Qonun Oliy Majlis