O‘zbekiston respublikasi milliy gvardiyasi harbiy-texnik instituti

§. Majburiy jamoat ishlari

Majburiy jamoat ishlari jazolarning asosiy turlaridan sanaladi, bu jazo O‘zbekiston jinoyat qonunchiligida ilgari ma’lum bo‘lmagan yangi jazo turi bo‘lib hisoblanadi.
Majburiy jamoat ishlari Jinoyat kodeksi maxsus qismining moddalarining sanksiyasida bevosita ko‘rsatilganda tayinlanishi mumkin. Majburiy jamoat ishlari Jinoyat kodeksi maxsus qismining moddalarini sanksiyasida nazarda tutilmagan bo‘lsa, yengilroq jazo tayinlash uchun asoslar mavjud bo‘lganda Jinoyat kodeksi maxsus qismining moddalariga muvofiq tayinlanishi mumkin.

NOTA BENE !

Majburiy jamoat ishlari maxkumga moddiy ta’sir o‘tkazish bilan bog‘liq jazo turiga taaluqli bo‘lib, shu bilan birgalikda uni ma’lum bir darajada erkinligini cheklaydi. Mazkur jazo turi maxkumni haqto‘lanmaydigan majburiy jamoat ishlariga jalb qilishdan iborat.

Agarda mahkum ishlayotgan yoki o‘qiyotgan bo‘lsa, majburiy jamoat ishlari ishdan yoki o‘qishdan bo‘sh vaqtda o‘taladi.
Majburiy jamoat ishlarining turi va joyi mazkur jazoning ijrosini nazorat qiluvchi organlar tomonidan belgilanadi.
Maxkum turli majburiy jamoat ishlarini ( ko‘cha, jamoat joylarini tozalash, ekinlar ekish, yerlarni qazish, santexnik, bo‘yash, qurilish va h.k.) bajarishga majbur bo‘lishi mumkin.
Majburiy jamoat ishlarini bajarishga xukm qilingan maxkum u yoki bu ishni bajarish qoidalariga rioya qilishi, ishga jalb qilingan davrda ularga yuklatilgan ishni xalol va vijdonan bajarishlari shart.
Jinoyat kodeksining 45¹ –moddasi 4-qismda majburiy jamoat ishlari qo‘llash mumkin bo‘lmagan shaxslar toifasi belgilangan:

1. 
   pensiya yoshiga yetgan shaxslarga;
   
2. 
   o‘n olti yoshga to‘lmagan shaxslarga;
   

v) homilador ayollarga;
g) uch yoshga to‘lmagan bolalari bor ayollarga;

4. 
   birinchi va ikkinchi guruh nogironlariga;
   
5. 
   harbiy xizmatchilarga;
   

y) chet el fuqarolariga;
j)O‘zbekiston Respublikasida doimiy yashamaydigan shaxslarga.
Mahkum jazoni o‘tashdan bo‘yin tovlagan taqdirda, sud majburiy jamoat ishlarining o‘talmagan muddatini majburiy jamoat ishlarining to‘rt soatini ozodlikni cheklashning yoki ozodlikdan mahrum qilishning bir kuniga tenglashtirgan holda hisoblab, ozodlikni cheklash yoki ozodlikdan mahrum qilish tariqasidagi jazo bilan almashtiradi. Jazoni o‘tashdan bo‘yin tovlanilgan vaqt jazoning o‘talgan muddatiga qo‘shib hisoblanmaydi.
Majburiy jamoat ishlari pensiya yoshiga yetgan shaxslarga, o‘n olti yoshga to‘lmagan shaxslarga, homilador ayollarga, uch yoshga to‘lmagan bolalari bor ayollarga, birinchi va ikkinchi guruh nogironlariga, harbiy xizmatchilarga, chet el fuqarolariga va O‘zbekiston Respublikasida doimiy yashamaydigan shaxslarga nisbatan qo‘llanilmaydi.

5.