|
Lavozim vazifalari:
–O‘zbekiston Respublikasi Qonunlari, O‘zbekiston Respublikasi Prezidentining farmon, qaror va farmoyishlari, Hukumatning qaror va farmoyishlarini, davlat dasturlari asosida qabul qilingan vazirlikning hay’at qarorlari, buyruqlari, dasturlari va boshqa hujjatlarda vazirlik rahbariyati tomonidan boshqarmaga berilgan tegishli topshiriqlar ijrosini to‘liq bajarilishini ta’minlash;
–vazirlikning hay’at, ishlab chiqarish yig‘ilishlariga, boshqarma boshliqlariga boshqarma faoliyati doirasidagi masalalar bo‘yicha ma’lumotlar, hisobotlar tayyorlash;
–vazirlik hisobxonasi ustidan umumiy rahbarlikni amalga oshiradi, hisobxona xodimlarga xizmat vazifalarini taqsimlab berish;
–buxgalteriya hisobini O‘zbekiston Respublikasining “Buxgalteriya hisobi to‘g‘risida”gi Qonuniga, O‘zbekiston Respublikasining Budjet Kodeksiga, O‘zbekiston Respublikasi Adliya vazirligida 2010 yil 22 dekabrda 2169-son bilan ro‘yxatga olingan “Byudjet tashkilotlarida buxgalteriya hisobi to‘g‘risidagi yo‘riqnoma”ga va boshqa normativ-huquqiy hujjatlarga amal qilgan holda yuritadi, shuningdek hisob ishlarini zamonaviy texnik vositalar va axborot texnologiyalaridan foydalangan holda tashkil etish;
–vazirlik markaziy apparati va vazirlik tasarrufidagi respublika budjetidan mablag‘ oluvchi tashkilotlarga budjetdan ajratiladigan mablag‘larni olish uchun budjet so‘rovlarini ishlab chiqish, xarajatlar smetasini tasdiqlash va ro‘yxatdan o‘tkazish, shuningdek, ularning ijrosi nazoratini tashkillashtirish;
–moliyaviy hisobotlar va buxgalteriya hujjatlarining o‘z vaqtida va to‘g‘ri rasmiylashtirilishini hamda amalga oshirilayotgan operatsiyalarning qonuniyligini nazorat qilish;
–byudjet va budjetdan tashqari mablag‘larning xarajatlar smetasida ko‘zda tutilgan muayyan maqsadlarga to‘g‘ri sarflanishi, shuningdek, pul mablag‘lari va moddiy qimmatliklarning butligi ustidan muntazam nazorat qilish;
–vazirlikda xodimlarning ish haqlarini va unga tenglashtirilgan to‘lovlarini belgilangan tartibda hamda o‘z vaqtida hisoblab chiqishni va to‘lanishini tashkil etadi;
–pul mablag‘lari, hisob-kitoblar va moddiy qimmatliklar, shuningdek boshqa aktivlarni va majburiyatlarni inventarizatsiya qilishda qatnashadi, inventarizatsiya natijalarini o‘z vaqtida va to‘g‘ri rasmiylashtirish hamda ularni buxgalteriya hisobida aks ettirish;
–tovar-moddiy qimmatliklarning qabul qilinishi va topshirilishini rasmiylashtirishda belgilangan qoidalarga rioya etilishini nazorat qilish;
–moddiy javobgar shaxslarga ularning javobgarligida turgan moddiy qimmatliklarning butligini saqlash va hisobini olib borish yuzasidan tushuntirish ishlarini olib borish;
–moddiy qimmatliklarni olish uchun berilgan ishonchnomalarning hisobini yuritish va ulardan to‘g‘ri foydalanilishini nazorat qilish;
–vazirlik balansidagi asosiy vositalar hamda boshqa moddiy qimmatliklarni ularning saqlanish va foydalanish joylarida butligini muntazam nazorat qilish;
–O‘zbekiston Respublikasi Moliya vazirligining “Asosiy vositalar qiymatini balansdan chiqarish tartibi to‘g‘risida”gi buyrug‘i bilan tasdiqlangan Nizomga (Adliya vazirligida 2004 yil 29 avgustda 1401-son bilan ro‘yxatga olingan) asosan hududiy boshqarmalar tomonidan taqdim etilgan hujjatlar asosida yaroqsiz holga kelgan asosiy vositalarni hisobdan chiqarish bo‘yicha taklif kiritish;
–vazirlik tizimidagi quyi tashkilotlar choraklik va yillik moliyaviy hisobotlarini topshirish muddatlarini belgilash, tovar moddiy qimmatliklar va pul mablag‘lari hisobini tashkil etish va ularni qayta ro‘yxatdan o‘tkazish muddatini belgilash;
–markazlashgan mablag‘lar, markazlashgan tadbirlar va darsliklar va o‘quv-metodik qo‘llanmalarni chop etish va joylarga yetkazish bilan bog‘liq shaxsiy hisob varaqlar bo‘yicha sarf-xarajatlar smetasida ajratilgan mablag‘larning hisob-kitobini nazorat qilish;
–davlat siriga kiritilgan ma’lumotlar va maxfiy axborot bilan ishlashda qonun hujjatlari talablariga rioya qilish;
–moliya va buxgalteriya hisobiga oid tegishli normativ-huquqiy hujjat loyihalarini ishlab chiqish;
–vazirlikning tegishli shaxsiy hisob varaqlari bo‘yicha belgilangan muddatlarda debitorlik qarzning undirib olinishi va kreditorlik qarzning qaytarilishi bo‘yicha tegishli chora- tadbirlarning ko‘rilishini, to‘lov intizomiga muntazam rioya etishni tashkil etish;
–“Maxfiy” va “o‘ta maxfiy” belgili hujjatlarni bajarish;
–sohaga oid hisobotlarni vakolatli organlar oldida himoya qiladi.
–kasbiy odob-axloq qoidalari, sanitariya-gigiyena talablari, mehnatni muhofaza qilish, texnika va yong‘in xavfsizligi qoidalari talablariga rioya qilish.
Do'stlaringiz bilan baham: |
