Xulosa o‘rnida
: «Har bir jismoniy harakatning ichida, - deydi Stanislavskiy,
9
Stanislavskiy K.S. Aktyorning о‘z ustida ishlashi.T.Xо‘jayev tarjimasi. “Toshkent” badiiy adabiyot nashriyoti,
1965 y. 53-54 b.
58
ichki xatti-harakat, kechinma yotadi». Jismoniy harakat bizni fikr qilishga, ruhiy
qarashlar bilan boyitishga undaydi.
DRAMATURGIYANING ASOSIY JANRLARI
Dramaturgiya yunoncha «dramaturgia» so‘zidan olingan bo‘lib, quyidagi
ma`nolarda ishlatiladi:
-
muayyan sanʼatkor, davr va xalqqa mansub dramatik asarlar majmui.
Masalan, Hamza, Fitrat dramaturgiyasi, antik davr dramaturgiyasi, Uygʻonish
davri dramaturgiyasi, ingliz dramaturgiyasi, oʻzbek dramaturgiyasi va b.;
-
kino va spektaklning obrazli talqini konsepsiyasi. Teatr dramaturgiyasi
badiiy drama asosida yuzaga kelgan, lekin hozirgi teatrda u rejissyor ssenariysi
yordamida amalga oshiriladi. Kinosanʼat uchun ssenariy shaklidagi dramaturgiyasi
xos.
Bugungi kun dramaturgiyasida teatr sanʼatining asosi boʻlgan ushbu adabiy
janrning rivojiga alohida eʼtibor qaratilayotganini taʼkidlash joiz. Xususan,
Oʻzbekiston Respublikasi Birinchi Prezidenti Islom Karimov Buxoro shahrida
bunyod etilgan viloyat musiqali drama teatrining yangi binosiga tashrifi chogʻida
sahna sanʼati oldida turgan vazifalarga toʻxtalar ekan, zamonaviy qahramon
obrazini yaratish boʻyicha fikr-mulohazalar bildirganida katta maʼno bor: «Teatr –
tarbiya maskani, – deya oʻz fikrini boshlagan edi mamlakatimiz 1-rahbari, –
Yoshlarimizni turli mafkuraviy tahdidlar va gʻaraz niyatli kuchlardan, taʼsirlardan
asrab-avaylashga ustuvor ahamiyat qaratmoqdamiz. Yoshlarni toʻgʻri yoʻlga
boshlashda pand-nasihat bilan kifoyalanib boʻlmaydi. Ezgulikni, yurtparvarlikni,
insoniy fazilatlarni kamol toptirishga xizmat qiladigan amaliy ishlar qilish kerak.
Ana shunday amaliy tarbiya omillaridan biri teatrdir. Teatr davr bilan hamnafas
yashayotgan, hayot sinovlarida toblangan fidoyi insonlar haqida hikoya qiluvchi
asarlarni sahnaga olib chiqishi zarur. Farzandlarimizning maʼnaviy dunyosini
mustahkamlaydigan, kelajakka ishonchini oshiradigan, oriyatini kuchaytiradigan
zamonaviy qahramonlar obrazini yaratish kerak».
59
Muhim ijtimoiy muammolarni koʻtarib chiqayotgan asarlarning paydo
boʻlayotgani dramaturgiya davr bilan hamnafas qadam tashlayotganini koʻrsatadi.
Zamonaviy qahramonni yaratish yoʻlida dadil qadamlar tashlanmoqda.
Shuningdek, soʻnggi yillarda davrning global muammolari – odam savdosi,
giyohvandlik, terrorizm haqida koʻplab asarlar yaratilmoqda. Shu maʼnoda,
Rixsivoy Muhammadjonov qalamiga mansub «Oydin» (Milliy akademik drama
teatri) asari bugungi kunda oʻzbekning bolasini ham oʻz domiga tortayotgan
muammo – odam savdosi va uning ayanchli oqibatlari xususida. «Oydin»
dramasidagi qahramon tushib qolgan vaziyat oddiy emas. Voqealar rivojida odam
savdosi qurboni boʻlgan qizlar bilan bogʻliq tafsilotlar asosida intervyu tayyorlash
jarayonida qahramonning jabrdiyda qizlarning koʻrgiliklari uchun asosiy
aybdorlardan biri oʻzi bir yostiqqa bosh qoʻygan turmush oʻrtogʻi ekanligini bilib
qolishi va ushbu jarayonda qalbida kechgan ruhiy jarayonlar oʻziga xos sahnaviy
vositalarda ochilgan. Qoʻchqor Norqobil qalamiga mansub «Quyoshni sen
uygʻotasan» dramasi zamondosh qahramonning oʻziga xos qiyofasini namoyon
ettirgani bilan eʼtiborli. Asar bir ayolga xos sabr, bardosh, matonat, vafo, jasorat
haqida. Uning bosh qahramoni sodda, oddiy qishloq ayoli Shabnam. Bir necha
yildirki, ikki farzandini oʻzi tarbiyalaydi. Uning katta orzular bilan bir yostiqqa
bosh qoʻygan turmush oʻrtogʻi Qodir koʻp pul topish niyatida Rossiyaga ketgan.
Asar ularning temir yoʻl bekatida uchrashuvlari sahnasidan boshlanadi. Turmush
oʻrtogʻini oʻzga yurtdan qaytarishga, oʻzi bilan birga ketishga koʻndira olmagan
Shabnam yolgʻiz qishloqqa qaytishga majbur boʻladi. Bosh qahramonni mana
shunday murakkab bir sharoitda qoʻllab-quvvatlaydigan, unga dalda berib,
ruhlantiradigan qaynonasi Oydin momo obrazi asarning oʻziga xos liniyalaridan
biridir. Oʻzining mustahkam irodasi, sabr-toqati bilan shaxs darajasiga yetishib,
nafaqat oʻzini oʻnglab olgan, shu bilan birga, qishloqdoshlarini ham ish bilan
taʼminlab, gilam toʻquvchi kichik sex ochib, muvaffaqiyatga erishgan ayol
obrazida fidoyi zamondosh qiyofasi yaratilganini koʻrsatadi. Dramaturg Usmon
Azimning davrimizning dolzarb muammolariga bagʻishlangan asarlaridan biri
«Qurshov» dramasida ham zamondosh qahramon obrazi oʻziga xos koʻrinishda aks
60
etgan. Usmon Azimning ushbu asarida bir guruh bosqinchi terrorchilarga qarshi
kurashga bel bogʻlagan yurtdoshlarimizning vatanparvarligi va matonati haqida
hikoya qilinadi. Yuqorida tilga olingan mavzuni muallif romantik ruhda hal
qilishni maqsad etar ekan, turli uslub va vositalarda vatan oldidagi burch va
masʼuliyatni yoshlar ongiga yana bir bor singdirishni maqsad qiladi. Muallif
asarning boshidagi tanishtiruv qismida qahramonlarni «Biznikilar», «Hammaga
baribirlar», «Terrorchilar» tarzida guruhlarga boʻlib tanishtiradi. Dramaturgning
boshqa koʻpgina dramalaridan farqli ravishda, mazkur asarda ijobiy va salbiy
obrazlar oʻrtasidagi chegara aniq. Shu maʼnoda, bosh ijobiy obraz leytenant
Ravshan Sobirov. U yurtimiz chegaralarini qoʻriqlashdek sharafli sohada xizmat
qiladi va bu yoʻlda begunoh insonlarning qonini toʻkayotgan bir guruh
terrorchilarga qarshi kurashib, oʻzi qahramonlarcha shahid ketadi. Jinoyatchilarni
qoʻlga tushirgan mard, asl yurt oʻgʻlonining matonati chuqur dramatik vaziyatlarda
tasvir etiladi. Syujet rivojida mana shu voqelik zaminida turli harakterdagi
kishilarning xatti-harakati orqali oʻta murakkab taqdirlar va munosabatlar koʻzga
tashlanadi. Shu oʻrinda, bu asarida ham dramaturg qahramonlarni nomlash
borasidagi oʻz anʼanasiga sodiq qolganini taʼkidlash joiz. Xususan, bosh qahramon
Ravshan, uning rafiqasi Zulhumor. Qahramonlarni xalqimiz orasida mashhur
boʻlgan muhabbat dostonidagi obrazlar nomi bilan atash asnosida muallif qalbi
toza muhabbat bilan toʻla insonlar juda katta sharafli ishlarni qilishga, jasorat
ularga doim hamroh boʻlishini taʼkidlashga urgʻu bergan. Dramada turli ifodaviy
vositalardan foydalanilib, murakkab sharoitda insoniyligi va vatan oldidagi
burchini unutmagan shaxslarning munosib timsoli yaratilgan. Shunday qilib,
soʻnggi davrda oʻzbek dramaturgiyasida zamonaviy qahramon obrazini yaratish
yoʻlida oʻziga xos jarayon kechmoqda. Hayotning qarama-qarshiliklari oldida
chekinmagan, oʻzligini anglashga intilgan va oʻzini namoyon eta olgan qator
insonlar obrazlari yaratildi. Biroq shu bilan birga, hali yaratilayotgan
qahramonlarning hammasini badiiy yetuk, davr sinoviga bardosh beradigan
qahramonlar, deyishga erta. Shunday boʻlsa-da, dastlabki dadil va muvaffaqiyatli
qadamlar bu yoʻldagi ishlarning ertangi kuniga katta umid uygʻotadi. Bu jarayon
61
nechogʻliq murakkab va koʻp qirrali boʻlmasin, yangilikka intilish va uni egallash
yoʻlidagi saʼy-harakatlar va izlanishlar orqali uning ijobiy natija topishiga shubha
yoʻq.
Demak, drama bir necha ma’noda kechadi, keng ma’noda badiiy ijodning
mustaqil bir turi - dramaturgiya’ni anglatadi. Tor ma’noda tragediya va komediya
oralg‘idagi boshqa bir janrni - drama janrini anglatadi. Yana drama harakat –
parda, akt ma’nosini ham qamraydi: uch pardali yoki bir pardali pyesa. Estetik
tushunchalardan tashqari, keng xalq ommasi drama so‘zini tanglik, mushkullik,
g‘am, dard-tashvish ma’nolarini ifodalashda ham qo‘llaydi.
Tragediya (rp.trageidia) (3-ilova qarang)- dramatik asar turlaridan biri bo‘lib,
unda ilojsiz vaziyat, halok etuvchi og‘ir va teng bo‘lmagan kurash negizida
qahramonning harakteri ochib beriladi. Tragediyada ko‘pincha haqiqat va adolat
uchun kurashgan buyuk insonlarnint fojeasi beriladi. Tragediya’ning qahramonlari,
odatda, ulug‘vor, favqulotda harakterli odamlardir. Tragediyada inson qalbining
rang-barang tomonlari, hayotning shiddatli, kulguli, mungli voqealari g‘oyatda
yorqin ochib beriladi. U hayotdagi shiddatli, qayg‘uli, mungli voqealarni aks
ettiradi. Tragediya doimo hayotdagi eng muhim, dolzarb, hayot - mamot
masalalarini ko‘tarib chikadi. Tragediyada ko‘pincha voqealar quyuqlantirilgan,
ziddiyatlar keskinlashtirilgan shaklda ifodalanadi.
Dramatik
tur
janrlaridan
biri
bo‘lgan
komediyada
muallif o‘z
g‘oyasini harakter, kulgi va shunga mos tanlangan voqelikning sahnadagi badiiy
talqini vositasida ifodalaydi. Drama matni koʻrishga:
-
imo-ishora, harakat, shuningdek, eshitishga moʻljallanadi;
-
u sahnaviy makon, zamon va teatr texnikasi, ya`ni mizanssenalar qurilishi
imkoniyatlariga ham muvofiq keladi.
Drama adabiy asar sifatida aktyor, rejissyor tomonidan sahnada oʻz talqinini
topadi. Drama tufayli teatr sanʼati yuzaga kelgan va u kino sanʼati uchun ham asos
boʻlgan.
O‘zbek dramaturgiyasi tarixida mustaqillik davri alohida bosqich sanaladi. Bu
davr o‘zbek dramalarida o‘zbekona turmushning eng muhim qirralariga, milliy
62
qadriyatlar
va urf-odatlar
talqiniga
alohida
diqqat
qaratiladi.
Mustaqil
mamlakatning har bir ongli odami o‘zligini, o‘z o‘tmishini, dunyo ilm-fani,
madaniyati, adabiyoti va san’atiga beqiyos hissa qo‘shgan ajdodlarining ulkan
mutafakkir shaxslar bo‘lganini juda teran anglashi lozim. Insonga milliy o‘zlikni
anglatishda
dramatik
asarlar
so‘z
san’atining
boshqa
janrlariga
qaraganda kuchliroq ta’sir o‘tkazadi:
-
sahnadagi
qahramonlarning so‘zlaridan ta’sirlanadi va ularning xatti-
harakatlarini o‘z ko‘zlari bilan ko‘radi;
-
ba’zan sahna bilan tomoshabin orasidagi chegara yo‘qoladi. Aktyorlar
sahnadan odamlar orasiga tushib keladi;
-
tomoshabin esa bamisoli o‘zini sahnada his etadi. Har qanday badiiy asarda
insonlarning ma’naviy kamoloti yoki tubanlashuvining obrazli tasviri muhim
sanaladi. Jumladan, mustaqillik davri o‘zbek dramalarida ham zamon kishilari yoki
tarixiy shaxslarning odilligi, haqgo‘yligi, xolisligi, olimligi, sadoqati,
mardligi hamisha shu insoniy fazilatlarning zidi bo‘lgan axloqiy-ma’naviy
tushunchalar bilan yonma-yon muhokama qilinadi. Tabiiyki, bunday murakkab va
ziddiyatli hayot girdobiga tushgan qahramonlar orasidan har doim yuksak insoniy
kamolot darajasiga ko‘tarilgan chin ma’nodagi yuragi butun shaxslar g‘olib
bo‘lishadi.
Sir emaski, hamma zamonlarda dramatik asarlar bevosita sahna hayoti bilan
bog‘liq bo‘lib kelgan. Muallif qahramonlarining sahnada o‘zlarini tutishlarini va
o‘sha asarni tomoshabin qanday qabul qilishini ko‘z oldiga keltirishi hamda syujet
voqeligining barcha komponentlarini puxta o‘ylashi kerak. Boshqa adabiy tur va
janrlar bilan dramatik asarlar taqqoslanganida uning poetik xususiyati va tarkibiy
tuzulishini yaxshi anglab olish mumkin. Dramatik asar voqelikning o‘ziga xos
badiiy talqini bo‘lgani uchun obrazlar tabiati ham dialogik va monologik nutq,
xatti-harakat, imo-ishora, sukut, yig‘i yoki kulgi kabi sahnaga xos tasviriy-
psixologikm vositalar yordamida ochiladi. Tabiiyki, bu omillar sahna
asarining umrboqiyligini ham belgilaydi. Demak, dramatik turning o‘ziga xos
xususiyatlaridan biri uning sahnada ijro qilinishidir. Dramatik asar sahnada
63
qo‘yilmas ekan, tomoshabin aktyorning harakat va holatini kuzatib, so‘zlarini
tinglamas ekan, haqiqiy badiiy asar darajasiga ko‘tarila olmaydi. Binobarin, drama
o‘zining matni bilan so‘z san`atiga mansub bo‘lsa, sahnada ijro etilishi jihatidan
teatr san`atiga doxildir. Shu bois ham bu turdagi asarlarni o‘rgatish, tahlil qilish
jaryoni bir qancha murakkabliklarni keltirib chiqaradi. Bunday asarlarda muallif
nutqining bo‘lmasligi adabiyot o‘qituvchisining ishini yanada og`irlashtiradi. Shu
bilan birga bu turdagi asarlarni o‘rganishda ifodali o‘qishning o‘rni alohida bo‘lib,
ohang, pauza, ovozning baland-pastligi ham muhim ahamiyat kasb etadi
Do'stlaringiz bilan baham: |