O‘zbekiston Respublikasi Hukumatining o‘z kuchini yo‘qotgan qarorlari ro‘yxati

Hayvonot dunyosini muhofaza qilish va yovvoyi hayvonlarni qayta ko‘paytirish

91. Hayvonot dunyosini muhofaza qilish — hayvonot dunyosi obyektlari hududlarini, turlari va populatsiyasi yaxlitligini, sonini, ularni yo‘q bo‘lib ketishining va ularga boshqacha zararli ta’sirlarning oldini olishga qaratilgan chora-tadbirlar majmuidir.

92. Hayvonot dunyosi obyektlarini va yashash muhitini muhofaza qilish egerlik va o‘rmon qo‘riqchiligi, davlat inspektorlari, muhofaza etiladigan hududlar qo‘riqchiligi, davlat ovchilik va o‘rmon-ovchilik xo‘jaliklari qo‘riqchiligi, ovchilik-baliq ovlash xo‘jaliklarining egerlik xizmatlari, yerdan foydalanuvchilar va yer egalari (ularga biriktirilgan hududlarda) tomonidan amalga oshiriladi.

93. Yovvoyi hayvonlarni qayta ko‘paytirish (keyingi o‘rinlarda qayta ko‘paytirish deb ataladi) quyidagi usullarda amalga oshiriladi:

hayvonot dunyosi obyektlaridan foydalanishni va ularning muhofazasini nazorat qilish;

muayyan turdagi hayvonlar soni ko‘payishini sun’iy ta’minlab turish;

hayvonlarning muayyan guruhlarini yoki ularning populatsiyalarini saqlab turishni ilmiy asoslangan holda boshqarish.

94. Hayvonlarni qayta ko‘paytirish quyidagi tabiiy va sun’iy usullar bilan amalga oshiriladi:

tabiiy usul — yovvoyi hayvonlarni yashash joylarida tutishni taqiqlash yoki cheklash, ularning muhofazasini nazorat qilish;

sun’iy usul — yovvoyi hayvonlarning yangi turlarini introduksiya va reintroduksiya qilish, ko‘paytirish uchun pitomniklar tashkil etish.