O‘zbekiston respublikasi adliya vazirligi toshkent davlat yuridik Universiteti Jinoyat-protsessual huquqi darslik

Mavzu boʻyicha xulosalar

Mazkur mavzuni oʻrganishda o‘quvchilar jinoyat ishini qoʻzgʻatish bosqichiga doir masalalarning jinoyat-protsessual va tarmoq qonun hujjatlarida mustahkamlanishiga oid masalalarni koʻrib chiqishlari; qiyosiy-huquqiy tahlil oʻtkazib, jinoyat ishlarini yuritishda sodir boʻlgan yoki tayyorlanayotan jinoyat haqida ariza yoki xabar yuzasidan surishtiruvchi, tergovchi, prokuror JPKda belgilangan tergovga qadar tekshiruv oʻtkazish orqali jinoyat ishini qoʻzgʻatish, ishni qoʻzgʻatishni rad etish yoki materiallarni tergovga taalluqliligi boʻyicha yuborish toʻgʻrisida qaror qabul qilishning protsessual tartibini aniqlashlari lozim.

Muammoli savollar va kazuslar

1. Jinoyatlar haqidagi arizalar va xabarlarni qayd etish tartibi qanday?
2. Jinoyatlar haqida ariza yoki xabar kelib tushganda shahar, tuman va boshqa ichki ishlar organlarining navbatchi xodimlari nima qilishlari kerak?
3. Qaysi organlar jinoyat ishini qoʻzgʻatish haqidagi masalani hal qilishga vakolatli?


Kazus
Tuman prokurori yoʻl-transport hodisasining shohidi boʻladi. Avtobus magistral yo‘ldan burilish paytida qarama-qarshi yoʻnalishdan kelayotgan Raxmanovning boshqaruvida boʻlgan yuk avtomashinasi katta tezlikda avtobusdan oldinroq greyder yoʻliga chiqmoqchi boʻladi, ammo xaydovchi mast boʻlganligi sababli boshqaruvni yoʻqotib, avtobusning oldingi qismiga uriladi. Avtobusning xaydovchisi Choriyev hodisa joyida halok boʻladi, bir necha yoʻlovchilar tan jarohatlari olishadi.
Tuman prokurori yo‘lovchilar bilan birgalikda Raxmetovni ushlab, jabrlanuchilarga birinchi tibbiy yordam koʻrsatadi va yaqin oradagi aholi yashash manziliga kelib shifokor ishtirokida Raxmetov va jabrlanuvchilarni guvoxlantiradi, jabrlanuvchi va guvohlarni soʻroq qiladi hamda jinoyat ishini qoʻzgʻatish qarorini chiqaradi va uni oʻz ish yurituviga oladi.
Prokurorning harakatlari qonuniymi? Ushbu holatni JPK normalari asosida tahlil qiling.
XVI BOB. DASTLABKI TERGOVNING UMUMIY SHARTLARI
(Muallif – yuridik fanlar doktori, dotsent D.Mirazov)


Annotatsiya: mavzuni oʻrganish orqali o‘quvchilar dastlabki tergovning umumiy shartlari tushunchasi va tizimini, tergovga tegishlilik qoidalari va turlarini, dastlabki tergovning muddatlarini, ularni uzaytirish tartibini, dastlabki tergovni tergovchilar guruhiga topshirishning tartibi va xususiyatlarini oʻrganib olishlari kerak.