O‘zbekiston respublikasi adliya vazirligi toshkent davlat yuridik Universiteti Jinoyat-protsessual huquqi darslik

Sud majlisi kotibi. Sud majlisida sud majlisi kotibi vazifalarini sudyaning yordamchisi (katta yordamchisi) bajaradi.

Mavzu bo‘yicha xulosalar

Mazkur mavzu natijasida o‘quvchilar jinoyat protsessining ishtirokchilari, ishirokchilar tasnifi, ularning ish yuritishda o‘rni, huquq va majburiyatlari to‘g‘risida umumiy bilimga ega boʻlishadi.

Mavzu doirasida muammoli savollar va kazuslar

1. Jinoyat-protsessual kodeksida nazarda tutilgan ishtirokchilarning huquq va majburiyatlarining o‘xshash va farqli jihatlarini tahlil qiling?

2. Jinoyat-protsessual kodeksiga protsess ishtirokchilari borasida kiritilgan so‘nggi o‘zgarishlarni tahlil qiling.


Kazus
Voyaga yetmagan Rashidov, Tojiyev, Sohibov o‘g‘irlik jinoyatini sodir etganliklari uchun ayblanuvchi tariqasida ishda ishtirok etishga jalb qilinadilar. Sud majlisiga tayyorgarlik ko‘rish davomida sudlanuvchi Tojiyevning himoyachisi himoyadan, Sohibov esa himoyachidan voz kechadi va boshqa himoyachi xizmatidan foydalanishini bildiradi. Sudya sudlanuvchi Sohibovni talabini qondirish va sudlanuvchi Tojiyevni talabini rad etish to‘g‘risida ajrim chiqaradi. Himoyadan voz kechish va himoyachidan voz kechish o‘rtasida qanday farqlar bor?
IV BOB. JINOYAT PROTSESSIDA ISHTIROK ETISHGA MONELIK QILADIGAN HOLATLAR. RAD QILISHLAR


Annotatsiya: ushbu mavzuning o‘quvchilar tomonidan o‘zlashtirilishi ishtirokchilarning rad qilishni amalga oshirishning protsessual tartibi, jinoyat protsessida ishtirok etishga monelik qiladigan holatlarni aniqlash va to‘g‘ri qaror qabul qilish, jinoyat protsessining ayrim toifa ishtirokchilarining ishda ishtirok etishiga monelik qiladigan holatlar to‘g‘risida bilim olishga imkon beradi.

4.1. Sudyaning, prokurorning, tergovchining, surishtiruvchining, tergovga qadar tekshiruvni amalga oshiruvchi organ mansabdor shaxsining va sud majlisi kotibining ishda ishtirok etishiga monelik qiladigan holatlar