O‘zbekiston respublikasi adliya vazirligi toshkent davlat yuridik Universiteti Jinoyat-protsessual huquqi darslik

Mavzu boʻyicha xulosalar

Jinoyat sud ishlarini yuritish sohasidagi xalqaro hamkorlik tushunchasi, mohiyati va vazifalari, jinoyat ishlari yuritish sohasidagi xalqaro hamkorlikni amalga oshirishga vakolatli boʻlgan organlar va mansabdor shaxslar, xalqaro hamkorlik shakllari va protsessual tartibi, xalqaro jinoyat huquqiy munosabatlarni, jumladan, xorijiy davlatning shaxsni ushlab berish toʻgʻrisidagi soʻrovi, ushlab berilgan shaxsning javobgarlik doirasi, xorijiy davlatga shaxsni ushlab berishni rad etish kabi munosabatlarni tartibga solish haqida bilimlarga ega boʻlish talab qilinadi.

Muammoli savollar va kazuslar

1. Oʻzbekiston Respublikasi hududida boʻlgan ushlab beriladigan shaxsni va ashyolarni topshirish tartibini tahlil qilgan holda bayon qiling.
2. Oʻzbekiston Respublikasi hududida ushlab turilgan yoki qamoqqa olingan shaxsni ozod qilish tartibini tahlil qilgan holda bayon qiling.
Kazus
Oʻzbekiston Respublikasi fuqarosi B.Avazbekov Rossiya Federatsiyasida boʻlgan vaqtida bosqinchilik jinoyati sodir etgan hamda qoʻlga kiritilgan boyliklarni pullagan (sotib yuborgan) va Oʻzbekiston Respublikasiga qaytib kelgan. Oʻzbekistonda kelganidan keyin ham jinoiy faoliyatini davom ettirib, bir necha bor oʻgʻirlik jinoyatini sodir etgan va huquqni muhofaza qiluvchi organ xodimlari tomonidan qoʻlga olingan.
Unga nisbatan jinoyat ishi yuritilayotgan ayni bir vaqtda Rossiya Federatsiyasi huquqni muhofaza qiluvchi organ xodimlari tomonidan ushbu shaxsni ushlab berish toʻgʻrisida soʻrov kelib tushgan. Soʻrovni qanoatlantirish rad qilindi.
Mazkur holatni Oʻzbekiston Respublikasi jinoyat-protsessual qonunchiligi asosida tahlil qilgan holda huquqiy baho bering.
GLOSSARIY

A