O‘zbekiston respublikasi adliya vazirligi toshkent davlat yuridik Universiteti Jinoyat-protsessual huquqi darslik

AYBINI BOʻYNIGA OLISH TOʻGʻRISIDAGI ARZ – ariza beruvchining oʻzi sodir etgan jinoyati toʻgʻrisida u shu jinoyatni sodir etishda gumon qilinmasdan va unga ayblov e’lon qilinmasdan oldin bergan xabari.

ANONIM ARIZA – imzosiz, qalbaki imzoli yoki uydirma shaxs nomidan yozilgan ariza.

D

DASTLABKI TERGOV ORGANLARI – ichki ishlar, prokuratura (harbiy prokuratura) va davlat xavfsizlik xizmati organlari.

DASTLABKI TERGOV MUDDATI – jinoyat ishi qoʻzgʻatilgan kundan boshlanadigan va jinoyat ishi tergov qilinadigan uch oylik muddat.

DASTLABKI TERGOVNING MUDDATINI UZAYTIRISH – qonunda belgilangan asoslar mavjud boʻlganida va tartibda tegishli vakolatga ega boʻlgan prokurorning dastlabki tergovni amalga oshirish muddatini uzaytirishi.

DASTLABKI TERGOVNING UMUMIY SHARTLARI – dastlabki tergov organlari va prokurorlar tomonidan dastlabki tergovni amalga oshirish jarayonida protsessning barcha ishtirokchilariga taalluqli, rioya etishi shart boʻlgan protsessual-huquqiy taʻriflanuvchi, davlatning majburlov kuchi bilan taʻminlangan imperativ xususiyatga ega normativ-huquqiy talablar tizimidir.

J

JINOYAT ISHINI QOʻZGʻATISH – jinoyat protsessining mustaqil bosqichi boʻlib, jinoyat ishini qoʻzgʻatish toʻgʻrisidagi qaror bilan rasmiylashtiriladi.

JINOYAT ISHINI QOʻZGʻATISH ASOSLARI – ijtimoiy xavfli qilmish haqida berilgan ariza yoki xabarda keltirilgan hodisada jinoyat alomatlarining mavjudligini koʻrsatuvchi ma’lumotlar majmuyi.