O`zbekiston musulmonlar idorasi Buxoro shahar "Jo`ybori Kalon" ayol -qizlar o`rta maxsus islom bilim yurti

عن ابن عباس عن النبي قال: من يرد الله به خيرا يفقهه فى الدين.
Muoviya r.a aytadilar: “Men Rosululloh s.a.v dan eshitdim: “Alloh bir kishiga yaxshilikni iroda qilsa, uni dinda faqih (bilimdon)qilib qo`yadi”.
Haqiqiy ilm shunday bir ilmki, u kishida Allohdan qo`rqish hissini paydo etadi. Johil kishi esa go`zal axloqlardan bebahra bo`lib, halol va haromning farqiga bormaydi. Bunday kishilardan har qanday yomonlik kutish mumkin. Allohdan qo`rqadigan kishilar esa chinakam ulamolardir. Ahli ilmlarga berilgan bu sifat ularga berilgan yuksak bahodir. Rosululloh s.a.v o`z hadislaridan birida bunday deydilar:
عن ابي الدرداء قال قال رسول الله: فضل العالم علي العابد كفضل القمر علي سائر الكواكب (رواه ابو داود)
“Olimning obidan afzalligi to`lin oyning yulduzlardan ortiqligiga o`xshaydi”.(Imom Termiziy va Imom Ahmad rivoyatlari.)
Boshqa bir hadisda: “Olimlarni e`zozlanlar, zero ular Alloh nazdida ummatimning eng e`zozlisidir”.(Imom Ahmad.)
Demak, olim kishilar obidlarga nur beruvchi o`n to`rt kunlik oyga o`xshatilgan. Darhaqiqat, olimlar inson ruhini va e`tiqodini tarbiya qiluvchi kishilardir. Luqmoni Hakim o`z o`g`illariga nasixat qilib: “Ey o`g`lim, suhbat qurmoqchi bo`lsang, ulamolar bilan qurgin, ularning suhbatidan qolma. Zero, Alloh taolo yerni yomg`ir suvi bilan tiriltirganidek, insonlarning qalblarini hikmat nuri bilan tiriltiradi”, deganlar.
Zamonamizning hozirgi ulamolaridan tariqat yo`lining gavhari bo`lgan Sadriddin Salim Buxoriy (Allohning rahmati bo`lsin) ham o`zlarining she`riy misralarida olimlani vaslab quyidagicha aytganlar:

Halol luqma seni beriyo aylar,

Halol luqma seni purziyo aylar,
Halol luqma seni Haqqa etar do`st,
Halol luqma seni avliyo aylar.
Ilmning qadri Alloh taolo va uning Rosuli oldida ulug` bo`lganligi uchun Payg`ambarimiz s.a.v ummatlarining barchasini olim bo`lishga da`vat etganlar: