O`zbekiston Milliy universiteti Jurnalistika fakulteti

O`zbekiston Milliy universiteti

Jurnalistika fakulteti

Adabiyotshunoslik kafedrasi

«Filologiya va tillarni o`qitish: o`zbek tili» yo`nalishi

«Adabiyotshunoslikka kirish» fanidan

KURS ISHI

Mavzu: “Syujet turlari va elementlari”

Bajardi: 1– kurs 115– guruh talabasi

Bo’riyeva Marjona

Ilmiy rahbar: Azimova Dildora

Mundarija

Kirish.

1.Syujet nima va uning adabiyotshunoslikdagi o’rni.

1.1.Syujet haqida tushuncha.

1.2.Syujet turlari.

2.Syujet- xarakterlar namoyon bo’ladigan va hayot ziddiyatlarini umumlashtiradigan voqealar silsilasi.

2.1.Syujetning tarkibiy qismlari.

2.2.”Yasama” “Tayyor” “Sayyor” syujetlar.

Xulosa.

Foydalanilgan adabiyotlar ro’yxati.

Kirish

Har bir fan singari adabiyotshunoslik ham adabiyotning mohiyati, uning paydo bo‘lish asoslari, rivojlanish tamoyillarini o‘rganadi. Bu fan adabiy-badiiy asarlarning tuzilishi, tarkibi, adabiy-tarixiy jarayonda sodir bo‘lgan o‘zgarishlarni tahlil qiladi. Adabiyotshunoslik adabiyotning ijtimoiy fikr taraqqiyotiga ta'siri, adabiyotning boshqa fan, soha, tarmoqlar bilan aloqadorligini aniqlash bilan shug‘ullanadi. Adabiyotshunoslikning bundan boshqa vazifalari ham ko‘p. Shu boisdan adabiyotshunoslik nima ekanligini aniq, lo‘nda ta'riflash oson, jo‘n ish emas. Aslida ham murakkab hodisalarni, ayniqsa, ular nomoddiy bo‘lsa, sodda, barchani birday qanoatlantiradigan tarzda ta'riflab bo‘lmaydi. Chunki har qanday mukammal ta'rif-tavsif ham ularning mohiyatini to‘la-to‘kis ifoda etolmaydi.

Mana shu holatda ijodkor badiiy asar kompozitsiyasida muhim o‘rin tutadigan voqelik tavsifi bo‘lgan syujetga murojaat etadi. Syujet voqealari boshlanishi (ekspozsiya), tuguni, rivoji, kulminatsiyasi va yechimi qahramonlar o‘rtasida kechadi. Syujet va uning unsurlari haqida ma'lumot berish adabiyotshunoslikda muhim sanaladi. Ushbu jarayonida an'anaviy metodlar bilan bir qatorda innovatsion texnologiyalardan, xususan, interfaol metodlardan foydalanish oliy ta'lim tizimidagi filologik ta'lim yo‘nalishi talabalari uchun foydadan holi bo‘lmaydi. Interfaol metodlar mavzuning tezkor, obrazli va tushunarli yetkazilishida muhim omil bo‘ladi.