O'zbekiston Milliy Ensiklopediyasi indd

ЧЕРНОГОРЛАР — халқ, Черногори-
янинг асосий аҳолиси (460 минг киши), 
Сербияда 140 минг киши (1990-й.лар 
ўрталари). Шунингдек, АҚШ ва Алба-
нияда ҳам яшайдилар. Умумий сони 620 
минг киши. Сербхорват тилининг штокав 
лаҳжасида сўзлашади. Диндорлари — 
асосан, православлар.
ЧЕРНЯЕВ Михаил Григорьевич 
[1828.21.10(3.11) 1898.4(16).8, Тубишки 
қишлоғи, ҳоз. Белоруссиянинг Могилёв 
вилояти] — рус мустамлакаси ҳарбий 
арбоби, генераллейтенант (1882). Дво-
рян оиласида туғилган. Ҳарбий акаде-
мияни тугатган (1853), Крим ва Кав-
каз урушларида қатнашган. 1864—65 
й.ларда алоҳида Ғарбий Сибирь отряди-
га қўмондонлик қилиб Қўқон хонлиги-
га қарашли Авлиёота, Чимкент ва Тош-
кентнтл босиб олган (қ. Алимқул, Дархон 
жанги) ва Россия империяси таркибида 
янги ташкил этилган Туркистон обла-
сти ҳарбий губернатори этиб тайинлан-
ган. Тошкент Россиянинг кейинроқ Ўрта 
Осиё хонликларини босиб олиши учун 
таянч пунктига айлантирилган. Манса-
бини суиистеъмол қилгани учун 1866 й. 
истеъфога чиқарилган. 1873 й.дан (1878 
й.гача) ҳарбий публицист Р.А. Фадеев 
билан ҳамкорликда Петербургда «Рус ду-
нёси» («Русский мир») консервативмил-
латчилик руҳидаги газ. нашр қилдирган. 
ГерцеговинаБосния қўзғолони (1875—
78) бошланганда рус ҳукуматининг ис-
тагига қарши, яширин равишда Белград-
га кетган (1876) ва серблар армиясига 
қўмондон этиб тайинланган. Бу армия 
Сербия ва Черногориянинг Туркия би-
лан бўлган урушида мағлубиятга учраган 
(1876). 1877—78 й.лардаги Россия—Тур-
кия уруши бошланганда Ч. ҳарбий хиз-
матга жалб килинган, бирок, ҳаракатдаги 
армияда биронбир мансабга тайин этил-
маган. 1882—84 й.ларда Туркистон гене-
ралгубернатори. 1886 й.дан истеъфода. 
Ч. Тошкентни босиб олишда хам, губер-
наторлик фаолияти даврида ҳам Россия 
ҳукуматининг мустамлакачилик сиёса-
тини изчил амалга оширишга ҳаракат 
қилган.
ЧЕРСКИЙ ТИЗМАСИ (Черский 
тоғ занжири) — РФнинг шим.шарқидаги 
тоғлар (Саха Республикаси ва Магадан 
вилояти). Шим.ғарбдан шарқжан.шарққа 
1600 км чўзилган. Ч.т.нинг ғарбий 
қисмида Хадаранья тизмаси (энг баланд 
жойи 2185 м), ТасХаяхтах (2356 м), Че-
малгинский (2547 м), Курунда (1919 м), 
Догдо (2272 м), Чибагалахский (2449 м), 
Боронг (2681 м), Силяпский (2703 м) тиз-
малари жойлашган; Индигирка дарёси 
ҳавзаси ва Колиманинг бош томонида 
УлаханЧистай тизмаси (энг баланд жойи 
Ғалаба тоғи — 3147 м) ва Черге тизмаси 
(2332 м) бор.
Ч.т. мезозой бурмаланишида ҳосил 
бўлган ва палеозойнинг кучли дисло-
кацияга учраган ва метаморфозлашган 
карбонат жинсларидан, чеккалари эса 
денгиз ва қуруқлик ётқизиқларидан ту-
зилган, кўпгина жойларда бу жинсларни 
қалин гранит интрузиялари ва б. магма-
тик нордон жинслар ёриб чиққан. Ч.т. 
ўртача баландликдаги тоғлардир. Уму-
мий майд. 157 км2га якин бўлган 350 дан 
зиёд музлик бор.
Иқлими қаттиқ совуқ, кескин конти-
нентал. Янв.нинг ўртача траси — 34°дан 
— 40°гача (пастликларда — 55°, —60°). 
Ёзи қисқа ва салқин. Июлнинг ўртача 
траси 3°дан (баланд тоғларда) 12°—13° 
гача. Йиллик ёғин 300 дан 600—700 мм 
гача. Тўнгиб ётган ерлар бор. Даре во-
дийсида терак, шим. ён бағрида тилоғоч 
ўсади. Ҳудудининг кўп қисми баланд 
тоғ минтақаси ўсимликлари билан 
қопланган; чўққилари совуқ тошлоқ тоғ 
чўлидан иборат. Фойдали қазилмалардан 
олтин, қалай, тошкўмир конлари бор. 

---

www.ziyouz.com кутубхонаси