O’zbеkistоn хаlq tа’limi vаzirligi

XIV—XV asrlarda yaratilgan «Baxtiyomoma», «Me'rojnoma», «Tazkirai avliyo» kabi asarlar uyg'ur yozuvida ko'chirilgan. Hatto 1469 yilda tuzilgan Umar Shayx yorlig'i uyg'urcha yozilgan.
Qadimgi uyg'ur yozuvi bilan ish ko'rish ayrim yozma adabiy tillarga ham o'z ta'sirini o'tkazdi va sezilarli iz qoldirdi. Masalan, qadimgi uyg'ur tiliga xos bo'lgan bir qancha morfologik, leksik, fonetik elementlarni Navoiygacha yaratilgan hamma yodgorliklarda, uchratamiz.
VII —VIII asrlarda O'rta Osiyo arablar tomonidan bosib olinadi va shundan keyin boshqa O'rta Osiyo xalqlari kabi o'zbek xalqi ham arab yozuvi bilan ish ko'ra boshlaydi. Shuning uchun bu davrdan boshlab, o'zbek olimlarining deyarli barcha asarlari asosan arab alifbosida yozilgan. (Ulardan ba'zilari arab yoki fors tillarida yozib qoldirilgan).
Arab yozuvi o'zbek tili xususiyatlariga ko'p jihatdan muvofiq kelmas edi. Bundan tashqari, bu yozuv о' zbek xalqini yanada kuchliroq asoratda tutish, ekspluatatsiya qilish va awalgi yozuvni yo'qotib yuborish yo'lida arab aristokratlari qo'lida qurol bo'lib xizmat qildi. Arab yozuvida 38 harfning mavjudligi va ularning qariyb 3 variantda yozilishi o'zbek xalqining savodli bo'lishiga sira yordam bermas edi. Arab aristokratlari mehnatkash xalqni nodonlikda abadiy saqlash maqsadida arab alifbosining xatti nasx_r xatti ta'liq, xatti shikast, xatti kufiy kabi juda murakkab shakllarini va turlarini maydonga keltirdilar.
Arab alifbosi, yozilishi jihatidan murakkab bo'lishi bilan birga, u o'zbek tilining maxsus tovushlarini ifoda eta olmas edi. Arab yozuvining bu nuqsonlarini sezgan ayrim olimlar, faylasuflar, ilg'or kishilar unga o'z salbiy munosabatlarini bildirdilar, ba'zi birlari esa, masalan, Zahiriddin Muhammad Bobur o'zining «Xatti Bobur» yozuvini yaratdi, lekin bunday ilg'or tadbirlar, o'sha zamonda amalga oshmay, e'tiborsiz qolib ketdi.