Ozbek tili

1.  Teng  bog‘lovchilar  gap  bo‘laklari  va  ayrim  sodda  gaplar  orasidagi  teng 

munosabatni  ifodalaydi:  Kecha  sokin  va  iliq  edi.  Hamma  keldi,  biroq  Rustamdan  darak 

yo‘q. 

Teng bog‘lovchilarning quyidagi turlari mavjud: 

Biriktiruv  bog‘lovchilari:  va,  hamda  (bog‘lovchi  vazifasidagi  bilan  ko‘makchisi, 

ham yuklamasi). 

Kitob va daftar sotib oldim. 

Kitob bilan daftar sotib oldim. 

---

34 

 

Kitob hamda daftar sotib oldim. 

Ham kitob, ham daftar sotib oldim. 

Kitob, ham daftar sotib oldim. 

Zidlov bog‘lovchilari: ammo, lekin, biroq, balki, holbuki. 

Gapingiz to‘g‘ri, lekin masalaning boshqa tomoni bor. 

Gapingiz to‘g‘ri, ammo masalaning  boshqa tomoni bor. 

Gapingiz to‘g‘ri, biroq masalaning  boshqa tomoni bor. 

Gapingiz to‘g‘ri, ammo lekin masalaning  boshqa tomoni bor. 

Yolg‘iz o‘zini emas, balki butun guruhni o‘yladi. 

U keldi, holbuki kelmasligi ham mumkin edi. 

Ayiruv bog‘lovchilari: yo, yoki, dam, goh, ba’zan, bir. 

Bir zo‘r otash, bir zo‘r alanga 

Ikki qalbga tutashgani rost (H.Olimjon). 

Goh qirda, goh dalada ko‘rinib qolar edi. Uning qo‘shig‘i dam eshitilib, dam yo‘q 

bo‘lib ketar edi (S.Ahmad).