122
Ózbekstan — AQSh
. Ózbekstan menen Amerika Qurama Shtatları
ortasında mámleketler aralıq baylanıslar ǵárezsizliktiń dáslepki jıl-
larınan-aq jolǵa qoyıldı. 1992-jılı fevralda AQSh mámleketlik
xatkeri
Ózbekstanda rásmiy saparda boldı hám eki mámleket ortasında
diplomatiyalıq baylanıslar ornatıldı. 1992-jılı martta Tashkentte birinshi
bolıp AQShtıń elshixanası ashıldı. Ózbekstan Respublikasınıń Birinshi
Prezidenti Islam Karimovtıń 1996-jılı iyunde AQShta bolıwı Ózbekstan
hám Amerika qatnasıqların jańa basqıshqa kóterdi. Islam Karimov AQSh
Prezidenti Bill Klinton menen ushırastı. Eki el ortasındaǵı qatnasıq-
lardı tereńlestiriw, tárepler mápine tiyisli bolǵan siyasiy, ekonomikalıq,
qáwipsizlik máseleleri dodalandı. Bill Klinton AQSh basshılıǵı Oray-
lıq Aziya elleriniń ǵárezsizligi, turaqlılıǵı hám rawajlanıwınan mápdar
ekenin, Ózbekstan menen qalıń qatnasıqlar ornatıwdı qálewin, Ózbek-
stannıń tezirek dúnya keń jámiyetshiligine integraciyalasıwı jolında
járdem beriwin aytıp ótti.
1996-jılı Ózbekstannıń AQShtaǵı elshixanası ashıldı. Ózbekstan
mámleketi delegaciyasınıń AQShta bolıwı shet el investiciyası ushın
respublikada jaratılǵan shárt-sharayatlar haqqındaǵı málimleme jetis-
pewshiligin saplastırdı.
Este saqlań
!
2002-jılı mart ayında Ózbekstan Respublikasınıń
Birinshi Pre-
zidenti Islam Karimov baslıq mámleketlik delegaciyası rásmiy
mámleketlik saparı menen AQShta boldı. AQShtı sınawlı waqıtlarda
qollap-quwatlaǵanı ushın 2002-jılı Islam Karimov Amerika jámáát-
shiligi tárepinen «Xalıqaralıq kólemdegi lider» sıylıǵı menen sıy-
lıqlandı.
2017-jılı may ayında Ózbekstan Prezidenti Shavkat Mirziyoev Saud
Arabstanı paytaxtı Ar-Riyod qalasında bolıp ótken AQSh hám arab-
musılman mámleketleri sammitinde qatnastı. Sammit sheńberinde
Shavkat Mirziyoev hám AQSh Prezidenti Donald Tramp dáslepki ret
ushırastı. Donald Tramp elimiz basshısı menen ushırasıwda Ózbekstanda
alıp barılıp atırǵan reformalar procesin joqarı bahaladı. Sol jıl sentyabrde
Ózbekstan Prezidenti Shavkat Mirziyoev BMShniń 72-sessiyası múná-
sibeti menen Amerika Qurama Shtatlarında boldı hám ol jerde jasap
atırǵan bir topar ózbekstanlılar menen ushırastı.
123
Prezidentimizdiń Amerika Qurama Shtatlarına saparı hár túrli
tariyxıy waqıyalar hám ushırasıwlarǵa bay boldı.
Prezidentimiz
19-sentyabr kúni BMShniń Nyu-York qalasındaǵı bas rezidenciyasında
Birlesken Milletler Shólkeminiń Bas xatkeri Antoniu Guterrish penen
ushırastı. BMSh Bas Assambleyasınıń 72-sessiyası sheńberinde
elimiz, xalqımız ushın jáne bir áhmiyetli waqıya bolıp ótti. Birlesken
Milletler Shólkemi imaratında úlken Registan maydanınıń
maketi
ornatıldı. 19-sentyabr kúni Nyu-Yorkte Amerika Qurama Shtatları
Prezidenti Donald Tramp tárepinen Birlesken Milletler Shólkemi Bas
Assambleyasınıń 72-sessiyasına kelgen mámleket hám húkimet basshıları
húrmetine rásmiy qabıllaw máresimi ótkerildi. Máresimde Ózbekstan
Respublikası Prezidenti Shavkat Mirziyoev ómirlik joldası menen
qatnastı. Mámleketimiz basshısı Birlesken Milletler Shólkeminiń Insan
huqıqları boyınsha Joqarı komissarı
Zayd Raad al-Husayn, Xalıqaralıq
valyuta fondı buyrıq beriwshi direktorı Kristin Lagard, Bolgariya
Respublikası
Prezidenti Rumen Rudev, Gruziya Bas ministri Georgiy
Kvirikashvilini menen ushırastı. Xalıqaralıq valyuta fondı buyrıq
beriwshi direktorı Kristin Lagardtıń elimizde ámelge asırılıp atırǵan
keń kólemli reformalar haqqında aytıp, olarǵa Ózbekstan renessansı,
jańa oyanıw dáwiriniń baslanıwı sıpatında baha bergeni ásirese dıqqatqa
ılayıq. Ózbekstan Prezidenti, sonday-aq, Jáhán banki prezidenti Jim Jeng
Kim menen ushırastı. Mámleketimiz basshısı sapar dawamında Amerika
Qurama Shtatlarında jasap atırǵan bir topar watanlaslarımız benen
ushırasıp, shın kewilden sáwbetlesti. Prezidentimiz
Shavkat Mirziyoev
Ózbekstan hám AQSh isbilermen wákilleri qatnasıwında ótken qabıllaw
máresiminde qatnastı.
Watanlaslar ilim-pán, bilimlendiriw, texnologiya, investiciya hám
basqa tarawlardı rawajlandırıw, Ózbekstan hám AQSh mákemeleri
ortasındaǵı baylanıslardı bekkemlew boyınsha óz pikir-usınısların bayan
etti. Shavkat Mirziyoev olarǵa múrájáát
eter eken, Ózbekstanda ámelge
asırılıp atırǵan keń kólemli reformalarǵa qatnasta bolıw, zamanagóy
bilim hám tájiriybelerin mámleket rawajlanıwına baǵdarlawǵa shaqırdı.
Búgingi kúnde Ózbekstan hám AQSh strategiyalıq birge islesiwshi hám
sherikles mámleket bolıp esaplanadı
.
