O’samalar tasnifi. O’smaning paydo bo’lishi, sababi va turlari mavzu: O’samalar tasnifi. O’smaning paydo bo’lishi, sababi va turlari Reja

XAVFLI O'SMALAR
Klinik amaliyot uchun patologiyaning eng xavfli turi bo'lgan xavfli o'smalarning ahamiyati katta.
Xavfli o'smalarga tashxis qo'yishda boshqa kasalliklarning tashxisidagi kabi anamnez ma'lumotlarga, bemor shikoyatlari, ko'zdan kechirish natijalariga va aniq tashxis qo'yish imkonini beradigan tekshirishning qo'shimcha usullariga (sitologik tashxis — o'sma hujayralarini topish maqsadida punktat yoki surtma olish, biopsiya — o'sma tuzilishini aniqlash maqsadida gistologik tekshirish uchun to'qima bo'lakchasini olish, obzor rentgenografiya, tomog-rafiya, UTT, radioizotop tashxis) katta e'tibor beriladi.
Davolash jihatdan o'smani hali metastazlar bermasdan erta aniqlash g'oyat muhimdir. Xavfli o'smalarni barvaqt aniqlash uchun tibbiyot xodimlari onkologik jihatdan hushyor bo'lishlari kerak (shubha qilinganda xavfli o'smani istisno qilish lozim). 40 yoshdan
oshgan va turli surunkali kasalliklari bo'lgan shaxslar "kasallik xavfi oshgan", ya'ni xavfli o'sma rivojlanishiga moyil guruhga kiritiladi va yiliga kamida bir marta maxsus tekshiruvdan o'tishlari kerak. Aholini muntazam profilaktik ko'riklardan (sitologik tashxis flyuorgrafiya va endoskopik tekshirish) o'tkazib turish lozim.
Tolali optikasi bor zamonaviy asboblar yordamida o'tkaziladigan endoskopik tekshiruvlar (fibrobronxoskop, fibroezofagoskop, fibrogastroskop va boshqalar) tashxis imkoniyatlarini ancha kengaytiradi.
Xavfli o'smalarning rivojlanish bosqichlari. Xavfli o'sma tashxisini qo'yish bilan birga kasallikning qanday bosqichda ekanligini aniqlash lozim. Davo Lining bosqichiga qarab buyuriladi.
I bosqich regionar limfa bezlarini egallamagan va ichkarida joylashgan to'qimalarga o'sib kirmagan kichkina o'sma borligi bilan ta'riflanadi.
II bosqichda o'sma ro'y-rost aniqlanadi, biroq zararlangan organlardan tashqariga chiqmagan bo'ladi. Regionar limfa tugunlariga birlamchi metastazlar berishi mumkin.
III bosqichda o'sma zararlangan a'zodan tashqariga chiqadi va yaqin joylashgan to'qimaga o'sib kiradi. Regionar limfa tugunlariga bergan ko'p sonli metastazlari bo'ladi.
IV bosqichida o'sma juda kattalashadi, u parchalanishga uchraydi va ko'p sonli kechikkan metastazlar beradi. Rak instoksikatsiyasi hisobiga kaxeksiya (juda oriqlab ketish) yuzaga keladi.
Keyingi ikki bosqichda radikal davolash o'tkazilmaydi.