O’rta maxsus va oliy ta’lim vazirligi o’zbekiston respublikasi sog’liqni saqlash vazirligi toshkent tibbiyot akademiyaSI

Mashg’ulotni o’tkazish joyi va jihozlanishi:

• 
  Travmatologiya-ortopediya, XDJ va neyroxirurgiya auditoriyalari.
  
• 
  Amaliy mashg’ulot o’tkazish uchun: asseptik, bint va jgut bog’lamlar, jarroxlik anjomlari.
  
• 
  Yangi axborot texnologiyasi vositalari, ko’rgazmali qurollar, videofilmlar.
  

1. Mavzuni asoslash:

Mazkurmashg`ulot ko`krak qafasi, magistral qon tomirlar, bosh va umurtqa pog`onasi shikastlari turlari, birinchi tibbiy yordam ko`rsatishning asosiy tamoyillarini o`rganish, tekshirish, og`riq qoldirish turlari, immobilizatsiya prinsiplari, rentgen suratini sharxlash, shuningdek dastlabki tashxis qo`yish va kasallikni kechishida keyingi ShTE bosqichlarini talab va vazifalarini, tashkillashtirishni imkonini beradi.

2. Fanlararo va fan ichidagi bog’liqlik:

Ushbu mavzu bo’yicha talabalarni o’qitish odam anatomiyasi, topografik anatomiya va operativ jarrohlik, radiologiya, anesteziologiya-reanimasiya va umumiy jarrohlik bilimlariga asoslangan.

3. Mashg’ulotning tarkibiy qismi(mazmuni):

3. 1.Nazariy qism:

Ko`krak qafasi shikastlarida va ularni davolash.

Ko`krak jaroxatlari uchrash ehtimolligi: ulug` Vatan urushi malumotlariga ko`ra — yaralanganlar orasida o`rtacha 7—12%, (qo`l-oyoqlardan keyin ikkinchi o`rinda). O`lganlarning o`rtacha —25—30%. Termoyadroviy qurol sharofati bilan ko`krak qafasi yopiq shikastlanishlari uchrash ehtimoli o`sib bormoqda. Tasnifi: 1. Ko`krakning yopiq shikastlanishlari: - suyak shikastlanishlarisiz, suyak shikastlanishlari bilan; ichki organlar shikastlanishisiz; ko`ks devori lat yeyishlari; qovurg`aning oddiy sinishlari; qovurg`anining murakkab sinishlari; ko`krak qafasida bosim ortishi; yurak shikastlanishlari; tomirlar tutami yopiq shikastlanishlari; diafragma yirtilishi.