O‘rta maxsus, kasb–hunar ta’limi markazi «maktabgacha ta’lim muassasalari tarbiyachisi» kasbi bo’yicha O’quv dasturlari to’plami

Fanning maqsad va vazifalari
Fanning maqsadi: O’quvchilarga maktabgacha ta’lim muassasalarida matematika mashg’ulotlarini tashkil etish, unda tarbiyalanuvchilarga miqdor, son-sanoq, kattalik, geometrik shakl, tevarak-atrofda mo`ljal olish va vaqtni chamalash kabi tushunchalarni o’rgatishga oid ishlarni rejalashtirish va o’tkazish usullari haqida tushuncha berish, bolalarning aqliy faolligini rivojlantirishda turli mantiqiy o’yinlardan foydalanish, mustaqillik, aqliy malaka va ko’nikmalarni egallab olishlari va maktabda muvaffaqiyatli o’qishlari uchun zamin yaratish fanning asosiy maqsadidir.
Fanning vazifasi: Maktabgacha ta`lim muassasalari yoshidagi bolalarga ta`lim berish jarayonini takomillashtirish, bo`lajak tarbiyachining ilmiy va uslubiy ta`minlanganligini, uning kasbiy tayyorgarligini oshirish;
O`quvchilarda maktabgacha ta`lim muassalarida ilk matematikaga o’rgatishning nazariy asoslari, bolalar matematik rivojlanishining psixologik xususiyatlari, maktabgacha ta`lim muassasasi ishining mazmuni va metodlari haqida bilim berishdan iborat.
Fan bo’yicha o’quvchilarning bilimi, ko’nikma va malakalariga qo’yiladigan talablar
Bilimlar: Maktabgacha ta’lim yoshidagi bolalarning matematik tushunchalarini rivojlantirishning o’ziga xos xususiyatlari; “Bolajon” tayanch dasturi talablari asosida maktabgacha ta’lim muassasalarining turli yosh guruhlarida ushbu fan bo’yicha bilim berish metod va usullarini o’rgatish. O’quv mashg’ulotlarini turli shakllarda ma’ruza, suhbat, amaliy ish, seminar, bahs-munozara, ilg’or pedagogik, innovatsion va axborot texnologiyalaridan foydalanib o’tkazish.
Ko’nikmalar: Quyidagi ko’nikma va malakalar rivojlantiriladi: bolalar bilan ishlashni rejalashtirish; adabiyotlardan foydalanish; mujassamlashgan, noan’anaviy va integratsiyalashgan mashg’ulot ishlanmalarini tuzish; matematikaga o’rgatishda turli metodlardan foydalanish; mavzuga mos ko’rgazmali qurollar tayyorlash; mashg’ulot davomida bolalarni qiziqtirish va faollashtirish; mashg’ulotni yakunlashda bolalar ishini tahlil qilish va rag’batlantirish; fanni amaliyot bilan bog’lash; bolajonlarga mashg’ulotda va mashg’ulotdan tashqarida yakkama-yakka yondosha olish; bolalarning mustaqil shug’ullanishga va topshiriqlarni oxirigacha sifatli bajarish, o’z ustida ishlash, izlanish, mustaqil mutolaa qilish, ijod qilish ko’nikma va malakalarini rivojlantirishdir.