O‘rta maxsus, kasb–hunar ta’limi markazi «maktabgacha ta’lim muassasalari tarbiyachisi» kasbi bo’yicha O’quv dasturlari to’plami

Maktabgacha yoshdagi ko’rishida nuqsoni bo’lgan bolalarni o’qitish va tarbiyalash
Maktabgacha yoshdagi ko’rishida nuqsoni bo’lgan bolalarning psixologik pеdagogik xususiyatlarini o’rganish. Maktabgacha yoshdagi ko’rishida nuqsoni bo’lgan bolalar bilan ta’lim –tarbiya va korreksion ishlarning olib borilishini kuzatish. Ko’rishida nuqsoni bo’lgan bolalar uchun mo’ljallangan muassasaning tuzilishi va ish faoliyati bilan tanishish. Ko’rishida nuqsoni bo’lgan bolalar uchun mo’ljallangan muassasadagi yosh guruhlar va undagi dеfеktolog hamda tarbiyachi ishini tahlil qilish. Dеfеktolog va tarbiyachining mashg’ulotlarini kuzatish va tahlil qilish.
Mustaqil ishlarga ko‘rsatmalar
O’quvchilar mavzular bo’yicha adabiyotlarni mustaqil o’rganadilar, konspekt qiladilar, mustaqil o’zlashtirilgan mavzularni tahlil etadilar, mashqlar bajaradilar. Malakaviy amaliyotni o’tish chog’ida yangi texnika, jihozlar, yangi pedagogik texnologiyalardan foydalanadilar. O‘qituvchi mustaqil ish soatlarini uyushtirishga tayyorgarlik ko‘rar ekan, o‘quvchilarning mustaqil o‘rganishlari uchun o‘quv materiallarini tanlaydi, o‘quv faoliyati, maqsadi, vazifasi, natijasi va uning baholash mezonini belgilaydi. O‘qituvchilar o‘quvchilar tomonidan bajarilgan mustaqil ishlarni o‘z vaqtida yig‘ib, baholab, ularning eng yaxshi natijalarini metod xonaga topshiradilar. O‘quvchilarning joriy nazorat, oraliq nazorat va yakuniy nazorat ishlarini baholash jarayonida ularni fanlardan nazariy va amaliy bajargan mustaqil ishlarining natijalarini hisobga olgan holda baholanadilar. O‘quvchilarning mustaqil ishlarini baholash tartibi, asosan har bir fan o‘qituvchisi o‘z fani bo‘yicha o‘quvchilarga fanning chuqur o‘zlashtirishni ta’minlashlari uchun nazariy va amaliy jihatdan mustaqil ishlar berish va natijalarini baholash bo‘yicha alohida qayd jurnali yuritadi, hamda har 45 kunda guruh o‘quvchilarining mustaqil ish natijalari fan kafedralarida muhokama qilinib, natijalar umumlashtiriladi. Har 45 kunda mustaqil ish natijalari o‘rganilib, metod xonada “monitoringi” chiqarib qo‘yiladi. O‘quvchilarda o‘z bilimini tekshirish malakasini rivojlantirish maqsadida uyda kitob bilan ishlash orqali darsda olingan bilimlarini mustahkamlash, qo‘shimcha adabiyot, ro‘znoma, jurnallardan yangiliklarni o‘rganish, o‘quvchilarning o‘quv materiali mazmunini tushunish uchush ularni reja asosida o‘qish, korrektsion-rivojlantiriuvchi didaktik o‘yinlar, konspekt yozish kabi amaliy ishlarga o‘rgatiladi. O‘quvchilarni mashg‘ulotga jalb qilish uchun mustaqil soatni noan’anaviy usullarda va har xil o‘yinlardan foydalangan holda tashkil etiladi. Mustaqil soatlarda o‘qituvchi va o‘quvchi hamkorlikda ishlaydi.