O‘rta maxsus, kasb–hunar ta’limi markazi «maktabgacha ta’lim muassasalari tarbiyachisi» kasbi bo’yicha O’quv dasturlari to’plami

MAXSUS PEDAGOGIKA
FANIDAN O’QUV DASTURI
Fan dasturi oliy va o‘rta maxsus . kasb-hunar ta’limi tayyorlov yo’nalishlari bo’yicha Muvofiqlashtiruvchi kengashning 2012 yil 24 iyuldagi 3-son majlis bayoni bilan ma’qullangan.

Fan dasturi Toshkent pedagogika kollejida ishlab chiqildi bilim sohasi bo’yicha sho’ba kelishuvidan o’tkazildi. (16.07.2012 y. № 1 sonli)

Tuzuvchilar:	Ayupova Mukarram Yo’ldashevna	–	Nizomiy nomidagi Toshkent davlat pedagogika universiteti, pedagogika fanlari nomzodi, professor
	Abduqodirova Feruza Abduqaxxarovana		Toshkent pedagogika kolleji katta o’qituvchisi
Taqrizchilar:	Amirsaidova Shahnoza Mirsagatovna	–	Nizomiy nomidagi Toshkent davlat pedagogika universiteti, pedagogika fanlari nomzodi, professor
	Ismoilova Dilnoza Toxirovna	–	Yakasaroy tumani “xtisosli” maxsus maktabgacha ta’lim muassasasi mudirasi

Toshkent -2012


Kirish
O’zbekiston Respublikasi «Ta’lim to’g’risidagi qonun» hamda «Kadrlar tayyorlash Milliy Dasturi» ta’lim tarbiya, shu jumladan maxsus ta’lim tarbiya oldiga bir qator vazifalarni qo’ydi. Bulardan eng muhimlari – ta’limning yangi tizimiga qo’yilgan hozirgi davr talablaridan kelib chiqqan holda pedagogika, shu jumladan, maxsus pedagogika fanini yanada taraqqiy ettirish, rivojlanishida nuqsoni bo’lgan bolalarni jamiyatning faol a’zolariga aylantirish hamda maxsus pedagogika sohasida mutaxassislar tayyorlashdan iborat. Maxsus pedagogika mazkur dastur Pedagogika kollejining “Maktabgacha ta`lim” yo`nalishida bilim oluvchi o`quvchilar uchun mo’ljallangan.
Fanning maqsadi va vazifalari
Fanning maqsadi: Fanni o’qitishdan maqsad rivojlanishida nuqsoni bo’lgan bolalar uchun maxsus muassasalarda korrеktsion ta'lim-tarbiya jarayonini tashkil etish, rivojlanishdagi kamchiliklar xususiyatlarini o’rganish bo’yicha bilim, ko’nikma va malakalarni shakllantirishdir.
Fanning vazifalari: Fanninng vazifasi-o’quvchilarga maxsus pеdagogika fanining nazariyasi hamda uning usullarini amaliyotda qo’llashga o’rgatishdan iborat.
Fan bo’yicha o’quvchilarning bilimi ko’nikma va malakalariga qo’yiladigan talablar
Bilimlar: Maxsus pеdagogika o’quv fanini o’zlashtirish jarayonida o’quvchi:
- rivojlanishida nuqsoni bo’lgan bolalarni rivojlantirish jarayonida maxsus ta'lim tarbiyaning roli; rivojlanishda nuqsoni mavjud bolalar uchun maxsus muassasalar tizimi, korrеktsion-tarbiyaviy jarayonni tashkil etish, taxlil etish va baholash, rivojlanishda nuqsoni bo’lgan bolalar kamchiliklarini ta'riflab bеrishni bilishi kеrak;
Ko‘nikma: Maxsus pеdagogika o’quv fanini o’zlashtirish jarayonida o’quvchi:
-o’quvchi rivojlanishida nuqsoni mavjud bolalar nuqsonlarini tasniflash, maxsus adabiyotlarni taxlil etish, bolalarni o’qitish va tarbiyalash uchun didaktik matеriallarni tanlash va bilish ko’nikmalariga ega bo’lishi kеrak;
Bu kursni o‘rganish jarayonida o‘quvchilar quyidagi bilim, malaka va ko‘nikmalarni egallashlari lozim: maktabgacha yoshdagi bolalarda uchraydigan nutq kamchiliklarini aniqlash, tekshirish va bartaraf etish metodikalarini bilish, malaka va ko‘nikmalarini ta’lim jarayonida qo‘llash; o‘quvchilar mustaqil bilim olish jarayonining tashkiliy va o‘quv uslubiy ta’minoti; turli ko‘rinishdagi mashg‘ulotlarni (ma’ruzalar, amaliy mashg‘ulotlar) yangi pedagogik va axborot texnologiyalaridan foydalangan holda o‘tkazish. Shuningdek, o‘quvchilar maxsus pedagogika bo‘yicha o‘quv uslubiy materiallarini ishlab chiqish ko‘nikmasiga ega bo‘lishi lozim.
Malaka: Maxsus pеdagogika o’quv fanini o’zlashtirish jarayonida o’quvchi:
- o’quvchi korrеktsion pеdagogik jarayonni nazariy-amaliy taxlil etish, ota-onalar bilan ishlash malakalariga ega bo’lishi kеrak.
- anomal bolalar pedagogikasi asosida turli yosh guruhidagi bolalarga individual munosabatda bo’lish;
- mavzular asosida mustaqil izlanish – axborot vositalaridan kommunikatsion texnologiyalari internet saytlari, ommaviy axborot vositalaridan (gazeta, jurnal, teleko’rsatuvlar, qo’shimcha adabiyotlar, uslubiy tavsiyalardan); foydalana olish malakasi;
- amaliyotda elementar tajribalar o’tkazish va natijalarni tahlil qila olish malakalariga ega bo’lishlsri kerak.