O‘rta maxsus, kasb–hunar ta’limi markazi «maktabgacha ta’lim muassasalari tarbiyachisi» kasbi bo’yicha O’quv dasturlari to’plami

Fanning maqsadi: Har bir kishi o’z salomatligini saqlash, mustahkamlash, o’z organizmini tuzilishini va unda bo’ladigan jarayonlarni o’rganish, kasalliklardan saqlanish choralarini bilish.
Fanning vazifasi: Anatomiya, fiziologiya, gigiyena fanining asosiy vazifasi bola organizmining normal rivojlanishining muhim bosqichlarini, va uning yoshga xos anatoma-fiziologik tuzilishini funksiyasini, ularda kechadigan fizilogik jarayonlarini, jismoniy mehnat va sportning inson organizmiga ko’rsatadigan ijobiy ta’sirini, shaxsiy gigiyena qoidalariga mehnat va dam olish rejimiga rioya qilish zarurligini, ratsional ovqatlanish, shikaslanganda birinchi tibbiy yordam ko’rsatishni bilish, qon bosimini o’lchash, pulsni aniqlash, mustaqil kuzatishlar olib borishdan iborat. Chekish, spirtli ichimliklar ichish va narkotik moddalarni iste’mol qilishning zararini tushuntira bera olish, darslik matni va rasmlar bilan ishlay olish qisqacha axborot tayyorlay olish malakasini egallashdan iborat.


Fan bo’yicha o’quvchilarning bilimi, ko’nikma va malakalariga qo’yiladigan talablar:
Bilimlar:
- O‘rta Osiyoda yashagan buyuk allomalarimizning bizga qoldirgan meroslari to’g’risidagi ma’lumotlarni;
- hujayraning tuzilishi va hayot faoliyatining asosiy jarayonlarini;
- to’qimalar, organlar, organlar sistemasining tuzilishi va funktsiyalarini, ularning nerv va gumoral boshqarilishini;
- maktab yoshidagi va bog’cha yoshidagi bolalarning psixologik, jismoniy va aqliy rivojlanish qonuniyatlarini;
- odam organizmining mehnat faoliyati, tik yurish va ijtimoiy yashash tarzi bilan aloqador bo’lgan xususiyatlarni;
- odam organizmi ichki muhit tarkibining nisbiy doimiyligini; immunitet, issiqlikning boshqarilishi, moddalar almashinuvi, modda va energiya almashinuvining o’zaro bog’liqligini: issiq iqlim sharoitida rasional ovqatlanishni;
- sun’iy nafas oldirish usullarini, shikastlanganda va oftob urganda, cho’kkanda birinchi tibbiy yordam ko’rsatishni, odam qad–qomatini aniqlay olish usullarini;
- odam organizmining rivojlanishini;
- jismoniy yuklamaning organizmga ta’sirini;
- sog’liqni saqlovchi va unga zarar keltiruvchi omillarni bilishi kerak.
Ko’nikmalar: Organlar sistemasi va organlarning va ularning tuzilishi bilan funktsiyalarining o’zaro bog’liqligini jismoniy mehnat va sportning inson organizmiga ko’rsatgan ijobiy ta’sirini bilish; qaddi qomat o’zgarishini, yassi oyoqlik rivojlanishining sabablarini tushuntira olish; shaxsiy gigiyena qoidalarini, mehnat va dam olish rejimiga roiya qilish zarurligini ratsional, ovqatlanish qoidalarini bilish, chekish, spirtlik ichimliklar ichish, narkotik moddalarning istemol qilishning zararini tushuntira bera olish, mustaqil kuzatishlar olib borish, qon ketganda va boshqa shikastlanishlarda birinchi yordam ko’rsata olish; darslik matni va rasmlar bilan ishlay olish, qisqacha axborot tayyorlay olish malakasini egallagan bo’lishlari kerak.