O‘rta maxsus, kasb–hunar ta’limi markazi «maktabgacha ta’lim muassasalari tarbiyachisi» kasbi bo’yicha O’quv dasturlari to’plami

Mustaqil ishlarga ko‘rsatmalar
O‘qituvchi mustaqil ish soatlarini uyushtirishga tayyorgarlik ko‘rar ekan, o‘quvchilarning mustaqil o‘rganishlari uchun o‘quv materiallarini tanlaydi, o‘quv faoliyati, maqsadi, vazifasi, natijasi va uning baholash mezonini belgilaydi. O‘qituvchilar o‘quvchilar tomonidan bajarilgan mustaqil ishlarni o‘z vaqtida yig‘ib, baholab, ularning eng yaxshi natijalarini metod xonaga topshiradilar. O‘quvchilarning joriy nazorat, oraliq nazorat va yakuniy nazorat ishlarini baholash jarayonida ularni fanlardan nazariy va amaliy bajargan mustaqil ishlarining natijalarini hisobga olgan holda baholanadilar. O‘quvchilarning mustaqil ishlarini baholash tartibi, asosan har bir fan o‘qituvchisi o‘z fani bo‘yicha o‘quvchilarga fanning chuqur o‘zlashtirishni ta’minlashlari uchun nazariy va amaliy jihatdan mustaqil ishlar berish va natijalarini baholash bo‘yicha alohida qayd jurnali yuritadi, hamda har 45 kunda guruh o‘quvchilarining mustaqil ish natijalari fan kafedralarida muhokama qilinib, natijalar umumlashtiriladi. Har 45 kunda mustaqil ish natijalari o‘rganilib, metod xonada “monitoringi” chiqarib qo‘yiladi. O‘quvchilarda o‘z bilimini tekshirish malakasini rivojlantirish maqsadida uyda kitob bilan ishlash orqali darsda olingan bilimlarini mustahkamlash, qo‘shimcha adabiyot, ro‘znoma, jurnallardan yangiliklarni o‘rganish, o‘quvchilarning o‘quv materiali mazmunini tushunish uchush ularni reja asosida o‘qish, korreksion-rivojlantiruvchi didaktik o‘yinlar, konspekt yozish kabi amaliy ishlarga o‘rgatiladi. O‘quvchilarni mashg‘ulotga jalb qilish uchun mustaqil soatni noan’anaviy usullarda va har xil o‘yinlardan foydalangan holda tashkil etiladi. Mustaqil soatlarda o‘qituvchi va o‘quvchi hamkorlikda ishlaydi.
Mustaqil ish uchun mavzular
1. Maxsus psixologiya fanining ilmiy-metodologik asoslari va boshqa fanlar bilan bog’liqligi.
2. Shaxsning rivojlanishida biologik va ijtimoiy omillarning ahamiyati.
3. Bolaning psixik jihatdan kamol topib borishining asosiy bosqichlari.
4. Sharq mutafakkirlarining bola tarbiyasi haqidagi g’oyalari.
5. Maxsus psixologiya fanining metodlari.
6. Maxsus ta’lim xizmatining hozirgi zamon tizimi.
7. Turli nutq nuqsoniga ega bo’lgan shaxslarning psixik rivojlanish xususiyatlarini o’rganish;
8. Nutq nuqsonlarining differensial diagnostik metodlari.
9. Muloqot jarayonining ijtimoiy-psixologik moslashuvi.
10. Nutq nuqsoniga ega bo’lgan bolalarda xotiraning buzilishi va uni korreksiyalash usullari.
11. Nutq nuqsoniga ega bo’lgan bolalarda diqqatning buzilishi va uni korreksiyalash usullari.