O‘rta maxsus, kasb–hunar ta’limi markazi «maktabgacha ta’lim muassasalari tarbiyachisi» kasbi bo’yicha O’quv dasturlari to’plami

MAXSUS PSIXOLOGIYA
FANIDAN O’QUV DASTURI

Fan dasturi oliy va o‘rta maxsus . kasb-hunar ta’limi tayyorlov yo’nalishlari bo’yicha Muvofiqlashtiruvchi kengashning 2012 yil 24 iyuldagi 3-son majlis bayoni bilan ma’qullangan.

Fan dasturi Toshkent pedagogika kollejida ishlab chiqildi bilim sohasi bo’yicha sho’ba kelishuvidan o’tkazildi (16.07.2012 y. № 1 sonli).

Tuzuvchilar:	Muminova Lola Rahimovna	–	Nizomiy nomidagi Toshkent davlat pedagogika universiteti, pedagogika fanlari doktori, professor
	Abduqodirova Feruza Abduqaxxarovana		Toshkent pedagogika kolleji katta o’qituvchisi
Taqrizchilar:	Ayupova Mukarram Yo’ldashevna	–	Nizomiy nomidagi Toshkent davlat pedagogika universiteti, pedagogika fanlari nomzodi
	Nurkeldiyeva Dilbar Ahmadovna	–	Nizomiy nomidagi Toshkent davlat pedagogika universiteti, pedagogika fanlari nomzodi, dotsent

Toshkent -2012
Kirish
O’zbekiston Respublikasi «Ta’lim to’g’risida»gi qonun hamda «Kadrlar tayyorlash Milliy Dasturi» ta’lim - tarbiya, shu jumladan maxsus ta’lim tarbiya oldiga bir qator vazifalarni qo’ydi. Bulardan eng muhimlari – ta’limning yangi tizimiga qo’yilgan hozirgi davr talablaridan kelib chiqqan holda psixologiya, shu jumladan, maxsus psixologiya fanini yanada taraqqiy ettirish, rivojlanishida nuqsoni bo’lgan bolalarni jamiyatning faol a’zolariga aylantirish hamda maxsus psixologiya sohasida yetuk mutaxassislar tayyorlashdan iborat.
Maxsus psixologiya dasturi Pedagogika kollejining “Maktabgacha ta`lim” yo`nalishidagi “Ixtisoslashtirilgan bolalar maktabgacha ta’lim muassasalari tarbiyachisi ”ixtisosligida bilim oluvchi o`quvchilar uchun tuzildi.
Ushbu dasturda maxsus psixologiya fanining eng asosiy bo`limlari qamrab olingan.
Dasturda maxsus psixologiya muammolari, rivojlanishida nuqsonga ega bo’lgan bolalar ruhiyatini o’rganish maqsad, vazifalari, metodlari va tamoyillari ochib beriladi.
Fanning maqsadi va vazifalari
Fanning maqsadi: o’quvchilarni rivojlanishida nuqsoni bo’lgan bolalarning ruhiy rivojlanish qonuniyatlari haqidagi bilimlarni berish. Rivojlanishida (eshitishida, ko’rishida, nutqida, aqliy) nuqsonga ega bo’lgan bolalar o’ziga xos psixik xususiyatlari bilan tanishtirish hamda bunday bolalar bilan ta’lim - tarbiya ishlarini olib borishda ularning ruhiy rivojlanish kamchiliklarini o’rganishdan iborat.
Fanning vazifalari: o’quvchilar nazariy bilimlarini amaliyotda qo’llash ko’nikmalarini egallaydilar. Shuningdek, ular o’qish jarayonida maxsus psixologik bilimlar tizimini, rivojlanishida kamchiligi bor bolalarning psixologik rivojlanishining qonuniyatlarini, ularning shaxsini shakllantirishning omillarini o’zlashtirib olishlari zarur. Maxsus maktabgacha muassasalar uchun tarbiyachi tayyorlashda maxsus psixologiya kursi muhim o’rin egallaydi.