O‘rta maxsus, kasb–hunar ta’limi markazi «maktabgacha ta’lim muassasalari tarbiyachisi» kasbi bo’yicha O’quv dasturlari to’plami

Mustaqil ish: Bolalar ovozlari mavzusida referat tayyorlash.
Amaliy mashg’ulotlarni tashkil etish.
“Musiqa savodi, metodikasi va ritmika” fanidan amaliy mashg’ulotlari asosan cholg’u asboblarida ijro etish, o’zbek va jahon kompozitorlari asarlarini texnik vositalar orqali tinglash va tahlil qilish, mustaqil kuylash jarayonlari shaklida tashkil etiladi. Fan mavzulari asosidagi amaliy mashg`ulotlar o`qituvchi rahbarligida o`tkaziladi.
Amaliy mashg`ulotlarni o`tkazish uchun kerakli jihozlar: Musiqa fani bo`yicha darsliklar, bolalar cholg’u asboblari, qo`shimcha adabiyotlar, internet yangiliklari,o`qitishning texnik vositalari, avdio – vizuval texnikalar
O`qitishning texnik vositalari: Fortepiano, radio, kompyuter, magnitafon, televizor.
Mustaqil ishlarni tashkil etishning shakli va mazmuni
Mustaqil ishning asosiy maqsadi o’qituvchining rahbarligi va nazorati ostida o’quvchilarda muayyan o’quv ishlarini mustaqil ravishda bajarish va qo’shimcha ma’lumotlar olish uchun zarur bo’lgan bilim va ko’nikmalarni shakllantirish va rivojlantirishdan iborat.
O’quvchilar uchun mustaqil ishning vazifalari quyidagilardan iborat.

• 
  Yangi bilimlarni mustaqil tarzda puxta o’zlashtirish ko’nikmalariga ega bo’lish;
  
• 
  Kerakli ma’lumotlarni izlab topishning qulay usullari va vositalarini aniqlash;
  
• 
  AKT manbalaridan samarali foydalanish;
  
• 
  Musiqa nazariyasi va metodikasiga taalluqli o’quv va ilmiy adabiyotlar, uslubiy tavsiyalar bilan ishlash;
  
• 
  Internet tarmog’idan maqsadli foydalanish;
  
• 
  Berilgan vazifaning amaliyot bilan bog’lash;
  
• 
  Ma’lumotlar bazasini tahlil etish;
  
• 
  Topshiriqlarni bajarish ishiga tizimli va ijodiy yondashish;
  

Mustaqil ta’lim o’quvchilarning, nazariy bilimlarini yanada boyitish, darsdan tashqari holatda mustaqil bilim ko’nikmalarini egallashlari uchun manba bo’lib xizmat qiladi. Mustaqil ishlar davomida o’quvchilar darsda olingan bilimlarni mustahkamlash, qo`shimcha adabiyot, ro`znoma, jurnallardan yangiliklarni o`rganish, o`quv matеriali mazmunini tushinish uchun ularni rеja asosida o`qish, mantiqiy tuzilmaviy sxеmalar, jadvallar, rasmlar shaklida ifodalash, ma’ruza yozish kabi amaliy mashg’ulotlarga o`rgatiladi.