O‘rтa maxsus, kasb-hunar тa’limi markazi

O‘ylang: Тalaba ishladi hamda talabaning ishlashi o‘rtasida qanday o‘xshash va farqli tomonlar bor? Izohlab bering.
Тayanch tushunchalar: bog‘lovchi vosita, egalik qo‘shimchasi, tobe qism, hokim qism, so‘z birikmasi.
Quyidagi maqolning ma’nosini izohlab bering hamda so‘z birikmasiga ajrating.


Ustozingga tik qarasang, to‘zasan,
Hurmat qilsang, asta-asta o‘zasan.
42-mashq. Berilgan birikmalarni 4 guruhga bo‘lib ko‘chiring, ya’ni ot-ot, ot-sifat, ot-fe’l, sifat-ot shaklida yozing.

Navro‘z bayrami, ishga shoshilmoq, oydan ham go‘zal, bahor ayyomi, yosh ijodkorlar, uyidan chiqib, gulzor bo‘ylab, yangi she’r, onadek aziz, ukamdek ishchan, serzavq qo‘shiq, bayram fayzi, o‘rik hidi, guldasta qo‘yib, insoniy muhabbat, davo izlab, yigit kabi navqiron, qattiq aziyat, anketa savollari, yurakdan o‘qimoq, sevimli qo‘shiq, toshdek izsiz, hayoti achinarli, duo qilib, yaxshi o‘qish, bexato yozish, insoniy go‘zallik, kamalak misli egik, hayvon kabi beo‘xshov, qo‘l qo‘yish, tarixiy shaxs, adabiy uyushma.

43-mashq. Hikoyani ko‘chiring. So‘z birikmalarini aniqlang.

G‘iybatchiga mukofot

Hasan Basriyning oldilariga bir kishi kelib dedi:

— Hazratim, Sizni bir kishi shunday g‘iybat qildiki, asti qo‘yaverasiz.
— Sen unikida bo‘ldingmi? — so‘radi Hasan Basriy undan.
— Ha, — dedi u. — Meni rosa mehmon qildi. Тansiq taom­lardan qo‘ydi oldimga, lekin yo‘q yerdagi tuhmatlar bilan Sizning sha’ningizni to‘kdi.
— Sen uning tansiq taomlarini qorningga sig‘diribsan-u, lekin g‘iybat gaplarini sig‘dirolmabsan-da. Shu gaplarni kelib menga aytishing shartmidi? Ha, mayli, mana buni o‘sha g‘iybatchiga eltib ber, — dedi Hasan Basriy qo‘ynidan bir hovuch hurmo olib... — bu unga xizmat haqi.
— Nega, hazrat? Sizni g‘iybat qilganga haq berasiz?! — deya hayratga tushib so‘radi u.
— Chunki, — dedi Hasan Basriy, — u menga g‘iybat qilib, shu payt­gacha qilgan gunohlarimni o‘ziniki qilib olibdi. Mana shuning uchun haqiga beryapman-da xurmolarni, olib borib ber.