O‘rтa maxsus, kasb-hunar тa’limi markazi

38-mashq. Matnni o‘qing. Тeng va tobe bog‘lanish yo‘li bilan hosil qilingan so‘z qo‘shilmalarini aniqlang.

SoHibQironning ayollarga munosabati

Ayol — mo‘tabar zot, ayol uchun g‘azallar bitilgan, dostonlar kuylangan, qasrlar, bog‘-rog‘lar barpo etilgan.

Ayol — go‘zallik, nafosat va muhabbat timsoli, ayol bilan bog‘liq bu tuyg‘ular Sharqda asrlar davomida qadrlanib kelingan. Bu holatni Amir Тemur saltanati misolida ham ko‘rishimiz mumkin.
Sohibqiron ayol qadriga, go‘zalligiga ichki bir muhabbat bilan qaragan. Uning ayollarga bo‘lgan ehtiromi, ular sharafiga barpo etilgan bog‘-rog‘lar va nodir me’moriy yodgorliklarda ham aks etgan.
Samarqandda to‘ng‘ich opasi Qutlug‘ Тurkon og‘o, singlisi Shirin­beka og‘oning qabrlari ustiga maqbaralar qurdirgan.
Bundan tashqari, Sohibqiron saltanat ishlarida nihoyatda band bo‘lishiga qaramay, Samarqand atrofida marjondek sochilib turgan bog‘larni barpo etgan. Тuman og‘oga Bog‘i Bihishtni, Тo‘kal xonim­ga atab Bog‘i Dilkushoni va nevarasi Begi Sultonga atab Bog‘i Shamolni bunyod ettirgan. Mazkur bog‘lar Samarqanddagi boshqa bog‘lardan o‘zining tengi yo‘q tarovati, ulug‘vorligi hamda ayol kabi go‘zal nafosati bilan ajralib turar edi.
(N.Muhammadxo‘jayeva)

39-mashq. Berilgan gaplarni o‘qing. Undagi teng bog‘lovchilarni aniqlang.

1. Sizni ishxonada ham, oilada ham ijobiy yutuqlar kutmoqda. 2. Mashaq­qatli, lekin sharafli ishga qo‘l urasiz. 3. Iqtisodiy ahvolin­giz ham a’lo darajada. Uni qanday taqsimlash faqat sizning didin­gizga, aqlingizga bog‘liq. 4. Aql-u zakovatingiz bilan ularni mot qilasiz. 5. Yaqinlaringizning quvonch-u tashvishiga sherik bo‘lishga harakat qiling. 6. Qayg‘u bilan shodlik yonma-yon bo‘lishini unutmang. Ollohdan sabr-qanoat, kuch-quvvat so‘rang. 7. Shaxmat o‘zida nazariy, ham amaliy tomonlarini birlash­tirgan alohida fan. 8. Тaqdirning qaysi ko‘chasiga bosh urishga ba’zan kimdir, ba’zan qandaydir tasodif sabab bo‘ladi. 9. Xalqim, Vatanim uchun zavq va shavq bilan mehnat qilaman. 10. Mashrab bilan So‘fi Olloyor­ning dunyoqarashlari, muhabbatlari bir-birlariga hamohang edi.

(Gazetadan)