O‘rтa maxsus, kasb-hunar тa’limi markazi

10-mashq. Matnni o‘qing. Ma’nosi ko‘chirilgan so‘zlarni topib, ularni izohlang.


«MAТBUOТ» payrovi
Qatnashadilar: Abdulhay Mahsum Qozoqov, Hasanboy Sultonov, Nasrulla Aliyev.
Mahsum aka: Ajoyib zamonda yashayapmiz. Matbuot kirib bormagan deyarli bironta xonadon yo‘q. Matbuot sabab dunyo voqealaridan, fan va texnika yangiliklaridan o‘z vaqtida xabardor bo‘lib turamiz. Mana, Nasrulla ham «Тoshkentdan gapiramiz» deyapti...
Nasrulla: Mahsum aka, men Тoshkentdan gapirsam, har holda poytaxt yangiliklaridan xabar beraman, ammo shogirdingiz Hasanboy ko‘zgudan nari ketmaydi, nima u «Reklama»mi?
Hasanboy: Nasrulla aka, ko‘zgudan nari ketmay, ust-boshimni tartibga solib turishimga hayron bo‘lmang, men «Postda»man.
Nasrulla: Hasanboy, maqtanib «Matbuot birlashmasi»daman, istagan iltimosingizni bajaraman, degan edingiz. So‘rab bildim, «San’at»ingiz yo‘q ekan-ku?!
Mahsum aka: Nasrulla, siz Hasanboydan «O‘zbekiston adabiyoti va san’ati» gazetasini so‘rab yuribsiz, u bo‘lsa «Qishloq haqiqati»ni olib kelibdi.
Hasanboy: Тo‘g‘ri aytasiz. Men qishloqda astoydil mehnat qilib mahsulot yetishtirish «Sur’at»ini oshirmoqchiman.
Nasrulla: Hasanboy, unday bo‘lsa, Mahsum aka ham Siz bilan «Bir safda» ekanlar-da.
Mahsum aka: Nasrulla, necha bor aytsam ham Hasanboy men bilan «Bir safda» mehnat qilishni istamayapti, bilmadim, keksayib qoldikmikin, qachon qarasangiz, men «G‘uncha»man deydi.
Hasanboy: Rost aytasiz Mahsum aka, men axir maktabda ishlayman, boshlang‘ich sinflar uchun «G‘uncha» yaxshi. Siz qarib quyulmaganning orzusi hali ham «Gulxan».


11-mashq. Matnni o‘qib, metafora usuli bilan ko‘chgan ma’noli so‘z­larni toping, ularga tavsif bering.


Bedorlik

Har odamning gullagan fasli bo‘ladi — umrning gurkiragan davri! Bu — yoshlik. Hayotimizning mazmun-mohiyati, to‘lishi­miz, meva berishimiz, ya’ni bu dunyoyi dunda Odam bo‘lib tura bilishimiz, ildizimizning tiriklik zamiriga chuqur ketishi ana shu davrda, yoshlikda gullashimiz, qanday gullashimiz bilan bog‘liq hodisa. O‘smirlikning olov chog‘larida dunyoni bilmoqqa intilish, jamiyatda shaxs bo‘lib qolishga urinish eng ulug‘ fazilat. Eskidan bir gap bor: «Yoshlikda o‘rgangan ilm toshga o‘yilgan yozuvdir».

Xullas, ilmli bo‘lish, uyg‘oqlikka yuz burish har kimning jamiyatdagi faolligi bilan uyg‘unlashsa, yana ham yaxshi. Kechagi intilishlarimiz samarasi o‘laroq, bugunimiz yorqinroq kechadi. Agar bugun tin olsak, beparvolik qilsak, ertamizning kechagidan ko‘ra nursizroq bo‘lishi tabiiy.