O‘rta maxsus, kasb-hunar ta’limi markazi m. Rahimov quduqlarni burg‘ilash

Quduqlarni  bunyod  etish  deganda  quyidagi  kompleks  ishlar
nazarda tutiladi: tayyorgarlik, burg‘ilash, quduqlarning mustahkam
holatini  saqlash,  quduqda  zarur  tadqiqot  ishlarini  o‘tkazish,
quduqlarni yopish yoki ularni ekspluatatsiyaga topshirish.
Quduqlarni  bunyod  etishda  burg‘ilashdan  tashqari  quyidagi
ishlarni bajarish ko‘zda tutiladi: burg‘ilash qurilmasini montaj qilish,
quduqlarda kuzatish va tadqiqot ishlari — karotaj, quduqlarning
qiyalanishi va suyuqlik sathini aniqlash, suv namunalarini olish,
otkachka yordamida suyuqlik miqdorini aniqlash; suvli va suyuqlik
beriladigan qatlamlarni bir-biridan ajratish maqsadida  quduqlarni
tamponaj  qilish;  gidrogeologik  quduqlarga  filtr  va  suv  ko‘tarish
inshootlarini  o‘rnatish;  quduqda  sodir  bo‘ladigan  avariyalarni
bartaraf etish va oldini olish; obsadka quvurlarini chiqarib olish va
quduqlarni  yopish;  burg‘ilash  uskunalarini  demontaj  qilish  va
tuproqda rekultivatsiya ishlarini olib borish. Yuqorida keltirilgan ishlar
burg‘ilash,  montajchilar,  karotajchilar,  gidrogeologik  va  boshqa
brigadalar tomonidan bajariladi.