Органик маҳсулотлар тўғрисида 1-боб. Умумий қоидалар 1-модда. Ушбу Қонуннинг мақсади

10-модда. Маҳаллий давлат ҳокимияти органларининг органик
маҳсулотларни ишлаб чиқариш соҳасидаги
ваколатлари

Маҳаллий давлат ҳокимияти органлари ўз ваколатлари доирасида:

аҳолига органик маҳсулотларни ишлаб чиқариш тўғрисида маълумотлар етказади;
қишлоқ хўжалиги ва қайта ишлаб чиқариш корхоналарига органик маҳсулотларни ишлаб чиқариш учун белгиланган тартибда
ер майдонларини ажратади;
органик маҳсулотларни ишлаб чиқариш тўғрисидаги қонунчилик
ва техник жиҳатдан тартибга солиш соҳасидаги норматив ҳужжатларда белгиланган талабларга жавоб бермайдиган маҳсулотлар органик маҳсулотлар сифатида сотилишининг олдини олиш чораларини кўради.


11-модда. Органик маҳсулотларни ишлаб чиқаришни давлат
томонидан қўллаб-қувватлаш

Органик маҳсулотларни ишлаб чиқаришни давлат томонидан қўллаб-қувватлаш қуйидагилар орқали амалга оширилади:

органик маҳсулотларни ишлаб чиқаришни қўллаб-қувватлаш
ва уларнинг ривожланишини таъминлайдиган аниқ чора-тадбирларни
ўз ичига олган қисқа, ўрта ва узоқ муддатли давлат дастурларини қабул қилиш ва амалга ошириш учун қулай шароитлар яратиш;
органик маҳсулот ишлаб чиқаришга ўтказилаётган экин турларини етиштиришнинг ўзига хос хусусиятларини ҳисобга олган ҳолда сертификатланган органик маҳсулотлар етиштириш учун субсидиялар ажратиш;
органик маҳсулотларни ишлаб чиқаришнинг инновацион усуллари
ва технологияларини жорий этиш, шунингдек органик маҳсулотларни ишлаб чиқаришга илғор тажриба жорий этилишини рағбатлантириш;
органик маҳсулотларни ишлаб чиқарувчиларнинг ўз фаолиятини ривожлантириш, шунингдек ахборот, маслаҳат ва сертификатлаштириш шаклидаги ёрдам ва хизматларни жалб этиш бўйича харажатларини молиялаштиришга кўмаклашиш;
органик маҳсулотларни ишлаб чиқариш бўйича инновацион лойиҳаларнинг ишлаб чиқилиши ва амалга оширилишини рағбатлантириш;
органик маҳсулотларни ишлаб чиқариш соҳасини ривожлантириш бўйича давлат ва халқаро грант дастурларини тақдим этиш ва тажриба (пилот) лойиҳаларини амалга ошириш;
қишлоқ хўжалиги маҳсулотларини анъанавий усулда ишлаб чиқарувчиларнинг органик қишлоқ хўжалигига ўтиши даврида имтиёзлар бериш;
органик маҳсулотларни ишлаб чиқарувчиларга хизмат кўрсатиш инфратузилмасини шакллантириш.