Organik kimyodan maruzalar matni

A. M. Butlerovning organik moddalar kimyoviy tuzilish nazariyasining

ahamiyati.

A. M. Butlerovning organik moddalar kimyoviy tuzilish nazariyasi organik kimyoning rivojlanishida katta ahamiyatga ega bo'ldi. Chunki mazkur nazariyani juda yaxshi bilgan har qanday kimyogar bu haqda ilmiy tafakkur yarata oladi va o'zi sintez qilayotgan moddaning tuzilishini oldindan biladi.

Organik moddalar kimyoviy tuzilish nazariyasi organik kimyo fani nazariy asosining poydevori hisoblanadi. Bu nazariya yordamida hali topilmagan yangi moddalarning borligi va ularning tuzilishini aniqlash imkoniyati mavjud. Bu nazariyadan butun dunyoning kimyogar olimlari hozirga qadar foydalanib kelmoqdalar. Bu nazariyaning rivojlanishi va boyishida A. M. Butlerovning shogirdlari va izdoshlari V. V. Markovnikov, A. M. Zaysev, Ye. Ye. Vagner, A. Ye. Arbuzov va boshqalar katta hissa qo'shdilar.

Tuzilish nazariyasining kashf etilganiga 146 yil bo'lgan bo'lsa ham, u o'z ahamiyatini yo'qotgani yo'q. Organik kimyo fanining yangi-yangi yutuqlari bu nazariyani yangi dalillar bilan boyitmoqda va asosiy ma'nosining to'g'ri ekanligini isbotlamoqda. Organik birikmalarning xossalari ularning elektron va fazoviy tuzilishiga bog'liq ekanligi endilikda ma'lum. Shunga ko'ra, A. M. Butlerovning kimyoviy tuzilish nazariyasining hozirgi zamon ta'rifini quyidagicha ifodalash mumkin: murakkab zarraning kimyoviy tabiati uning tarkibiga, kimyoviy, elektron va fazoviy tuzilishiga bog'liq bo'ladi.

Mavzuga oid tayanch iboralar.