Органик бирикмаларнинг тузилиши ва реакцион қобилияти 1-қ

3. ОРГАНИК БИРИКМАЛАРДАГИДАГИ КИМЁВИЙ БОғЛАР ВА УЛАРНИНГ ТУРЛАРИ


Органик бирикмаларда биз кимёвий боғларнинг ковалент, водород ва ион боғларига дуч келамиз. Органик бирикмаларда ковалент боғ асосий ўрин тутади. Ковалент боғ атомларнинг қарама-қарши спинли жуфтлашмаган валент электронларининг умумлаши натижасида ёки бир атомга тегишли электрон жуфт ҳисобига ҳосил бўлади. Ковалент боғ, одатда, электронга мойиллиги бир-бирига яқин бўлган атомлар ўртасида ҳосил бўлади. Ковалент боғ иккита электрон ёки чизиқча билан ифодаланади. Масалан

H  H ёки H – H,	H3C : CH3 ёки H3C – CH3
H3C : H ёки H3C – H

Органик бирикмаларда ковалент боғнинг - ва - кўринишлари мавжуд.
-боғ. Агар ковалент боғ s-, p-, sp³-, sp²- ва sp-электронларнинг (атом орбиталларининг) асосий ўқи бўйича туташиши натижасида ҳосил бўлса бу боғ -боғ дейилади.
-боғ. Агар ковалент боғ р-электронларнинг (атом орбиталларининг) ёнлама туташиши натижасида ҳосил бўлса бу боғ -боғ дейилади.
Ковалент боғ қутбли ва қутбсиз бўлиши мумкин.
қутбсиз ковалент боғ. Агар ковалент боғ бир хил атомлар ўртасида ҳосил бўлса, бундай боғ қутбсиз ковалент боғ дейилади.
қутбли ковалент боғ. Агар ковалент боғ турли атомлар ўртасида ҳосил бўлса, бундай боғ қутбли ковалент боғ дейилади.
қутбли ковалент боғнинг координацион ва ярим қутбли (семиполяр) турлари мавжуд.
Координацион боғ - бир атомнинг электрон жуфти ҳисобига ҳосил бўлган ковалент боғ.
Ярим қутбли ковалент боғ - координацион ва ион боғлар комбинациясидан ташкил топган ковалент боғдир. Бу боғ стрелка () билан ифодаланади.
Ион боғ - бир атомдан иккинчи атомга бир ёки бир нечта электроннинг батамом кўчиб ўтиши натижасида ионларнинг ҳосил бўлиши ва бу қарама-қарши зарядли ионларнинг электростатик тортилиши натижасида ҳосил бўладиган боғдир.