O’quv yili uchun o’zbekistonning eng yangi tarixi fanidan m a ‘ ruzamatn I barcha yo’nalishlar uchun namangan 2020

Qonun loyihasini ishlab chiqishda asosiy e’tibor quyidagilarga qaratildi:

xorijiy tajribani chuqur o‘rganish asosida milliy ta’lim tizimini xalqaro standartlarga moslashtirish;

ta’lim sifatini yaxshilashga ta’sir qiluvchi omillarni va uning mexanizmlarini qonunning mazmunida aks ettirish;

ta’lim sifatini yaxshilashga to‘sqinlik qilayotgan omillarni bartaraf etish;

ta’lim jarayoni ishtirokchilarining o‘zaro munosabatlari, huquqlari, majburiyatlari va javobgarligini tartibga solish;

katta yoshdagilar ta’limi, inklyuziv ta’lim, davlat-xususiy sheriklik, ta’lim sohasiga investitsiyalarni jalb etish, mulkchilik shaklidan qat’i nazar ta’lim xizmatlari ko‘rsatuvchi yuridik shaxslar va boshqa bir qator tushunchalarni alohida moddada ochib berish va boshqalar.

Ta’lim sohasidagi munosabatlarni tartibga soladigan O‘zbekiston Respublikasining yangi tahrirdagi “Ta’lim to‘g‘risida”gi qonuni qabul qilinib, mazkur qonun 2020 yilning 23 sentabr kunidan kuchga kirdi. Yangi tahrirdagi Qonun 11 bob, 75 moddadan iborat bo‘lib, amaldagi qonunning 34 moddasidan 33 tasiga oʻzgartirish va qoʻshimchalar kiritilgan. Shuningdek, 41 ta yangi moddalar qoʻshilgan. Ushbu qonunga ko‘ra ilk bor inklyuziv ta’lim joriy etildi. Inklyuziv ta’lim alohida ta’lim ehtiyojlari va individual imkoniyatlarning xilma-xilligini hisobga olgan holda barcha ta’lim oluvchilar uchun ta’lim tashkilotlarida ta’lim olishga bo‘lgan teng imkoniyatlarni ta’minlashga qaratilgan ta’lim olish shakli hisoblanadi.

O‘zbekiston Prezidenti Shavkat Mirziyoyev 23-sentabr kuni yangi tahrirdagi “Ta’lim to‘g‘risida”gi qonunni imzoladi. Qonunga muvofiq, O‘zbekistondagi ta’lim turlari quyidagilardan iborat:

• 
  maktabgacha ta’lim va tarbiya;
  
• 
  umumiy o‘rta va o‘rta maxsus ta’lim;
  
• 
  professional ta’lim;
  
• 
  oliy ta’lim;
  
• 
  oliy ta’limdan keyingi ta’lim;
  
• 
  kadrlarni qayta tayyorlash va ularning malakasini oshirish;
  
• 
  maktabdan tashqari ta’lim.