O`quv –uslubiy qo`llanma toshkent 2012 tursunoy ziyadova

MUHOKAMA UChUN SAVOLLAR:
1. Rejalar necha turli bo’ladi?
2. Rejaning qanday ahamiyati bor?
3. Tematik reja qanday tuziladi?
4. Choraklik rejada nimalar aks etgan bo’ladi?
5. Rejada amaliy ishga kim o’rin berilishining oqibatlari?
2-savolga oid muammolar:
Dars-o’qituvchining mehnati samaradorligi.
Yangi pedagogik texnologiya kommunikativ savodxonlik garovi.

IDENTIV O’QUV MAQSADI :

Mustaqillik, ijodkorlik yangi ta’limning asosiy sharti ekanligi.
Rejalarda YaPTning aks etishi zarurligi.
Darsga tayyorgarlik nimalarni o’z ichiga olinishi sanab o’tiladi.
Bir soatlik dars rejasi tarxi va uning ahamiyatiga baho beradi.
Ona tilidan dars turlari.
Ona tili darslarining maqsadi va tuzilishidan kelib chiqib, uni ikki katta guruhga ajratish mumkin: 1) Ta’limiy darslar; 2) Nazorat darslari.
Ona tilidan ta’limiy darslarni 4 ta katta guruhga ajratish mumkin:
1. Yangi bilim berish darslari.
2. Ko’nikma va malakalarni shakllantirish darslari.
3. O’rganilganlarni takrorlash darslari.
4. Xatolar ustida ishlash darslari.
Yangi bilim berish darsi keng tarqalgan dars. turlarida biri bo’lib, bu darsda o’quvchilar yangi zaruriy bilimlar bila qurollantiriladi va o’rganilganlar yuzasidan dastlabki malakalar hosil qilinadi, Darsning bu turi uy vazifasini tekshirish, egallangan bilimlar yuzasidan ko’nikma va malakalar hosil qilish, darsni xulosalash, uyga vazifa berish singari unsurlarning yig’indisidan iborat.
Yangi bilim berish darsi darsning boshqa bosqichlarida bajariladigan ishlarni o’ziga bo’ysundiradi. Uy vazifasini tekshirish va o’rganilganlarni takrorlash yangi bilimlarni puxta egallashga tayyorlasa, mustahkamlash, xulosalash, uyga vazifa berish egallangan bilimlarni amaliyotda qo’llashga keng yo’l ochadi.
Yangi bilim berish darslari bilimlarni tayyor holda bayon qilib berish emas, albatta. O’quvchilarning ijodiy fikrlashga tayanib ish ko’rishi yangi bilim berish jarayonida ham davom ettiriladi. Bu darslarda ham tushun-tirish - namoyish etish metodidan kamroq, muammoli vaziyatlar yaratish, o’quvchilarni ijodiy faoliyat ko’rsatishga undovchi metodlardan ko’proq foydalanish maqsadga muvofiqdir.