«ona tili o`qitish metodikasi» fani

AMALIY TILSHUNOSLIK. Tilshunoslikning lingvistik masalalarni (mas, mashina tarjimasi) hal etishni hisobga olgan holda amaliy yo`l bilan o`rganuvchi sohalari (eksperimental fonetika, leksikografiya, lingvostatistika kabi).

AN`ANAVIY TILSHUNOSLIK. Tilshunoslikdagi faqat til qismlari va tuzilishining ichki munosabatlarini, bog`liqliklarini yoritish bilan birga til va tafakkurning o`zaro munosabati, tilning jamiyat bilan, shu tilda so`zlashuvchi jamoa bilan aloqasi kabi masalalarni o`rganishni ham o`z oldiga maqsad qilib qo`ygan yo`nalishlar. Bu yo`nalishlarga strukturalizm o`zini qarama-qarshi qo`yadi. Strukturalizm.

APOKOPA (yun. apokope -qisqartish). So`z oxiridagi tovush yoki tovushlarning tushib qolishi, buning natijasida so`zning qisqarishi. Mas, kel>ke, to`rt>to`r kabi. Qiyos. Sinkopa.

ARGO (fran. argot- jargon). Yasama til. Biror ijtimoiy guruh, toifaning (masalan, talabalar, sportchilar, o`g`rilar va b.) o`ziga xos, boshalar tushunmaydigan lug`aviy birliklardan iborat yasama tili. Mas, kolxoz - chiptasiz yo`lovchilar (haydovchilar tilida).

ASSANANS (fran. assonance- ohangdoshlik). Aynan yoki yaqin unlilarning takrorlanishi natijasida yuzaga keladigan ohangdoshlik. Mas, quyidagi misolda assonans o`, o` unlilari asosida yuzaga kelgan: ko`m-ko`k, ko`m-ko`k, ko`m-ko`k... Ko`klam quyoshidan ko`kargan qirlar...

ASSOTSIATSIYA. Til birliklarining shakli yoki mantiqiy-semantik belgisiga ko`ra o`zaro birlashuvi.

ARTIKULYATSIYA (lot.articulatio