«ona tili o`qitish metodikasi» fani

AGGLYUTINATIV TILLAR. So`z yasalishi va shakl yasalishi agglyutinatsiya (?.) yo`li bilan bo`ladiga tillar. Mas, turkiy tillar, fin-ugor tillari.

ADABIY ME`YOR. Til birliklarining adabiy til qoida talablariga mos holda, namunali tarzda qo`llanishini, tilning adabiyligini ta`minlovchi vositalarni belgilovchi me`yor.

ADABIY TIL. Umumxalq tilining ishlangan, sayqal berilgan, ma`lum me`yorga solingan, xalqning turli madaniy ehtiyojlariga xizmat qiluvchi shakli. Adabiy tilning ikki shakli bor: 1) yozma shakli, 2) og`zaki shakli.

ADVERBIALIZATSIYA (lot. adverbium- ravish) - k. Ravishlashish.

AKKOMODATSIYA (lot. assomodatio - muvofiqlashuv). Yonma-yon kelgan undosh va unli tovushlar artikulyatsiyasining bir-biriga uyg`unlashuvi. Mas, i, u unlilari k, g undoshlari bilan yondosh kelganda, ularga moslashib, oldingi qator unli sifatida talaffuz etiladi: kiyik, sigir, bugun, gul. Xuddi shu unlilar chuqur til orqa q, g` undoshlari bilan yondosh kelganda, ularga moslashib, ma`lum darajada til orqa unlisi kabi talaffuz etiladi: qiyin, quyuq, hujum, g`ijim va b.

AKKUMULYATSIYA. Biror tilda faol ishlatiladigan so`z, ibora va sh.k. ta`sirida shunday til birliklarining boshqa tilda ham faol ishlatila boshlashi.

AKUSTIK FONETIKA (yun. akustikos- tovush, tovushga oid). Eksperimental fonetikaning nutq tovushlari hosil bo`lishini yuzaga kelgan tovush to`lqinlari aspektida o`rganuvchi bo`limi. Akustik jihatdan tovushning bir qator belgilari farqlanadi: 1) tovush kuchi (?.), 2) tovush balandligi (?.), 3) tovush tembri (?.) 4) tovush cho`ziqligi. (?).