Қон босимини пасайтирувчи воситалар

ТУЗ-СУВ АЛМАШИНУВИГА ТАЪСИР ҚИЛУВЧИ ВОСИТАЛАР
(ДИУРЕТИКЛАР)
Бу гуруҳга дихлотиазид, фуросемид, этакрин кислотаси, спиронолактон ва б. препаратлар киради.


ГИПЕРТЕНЗИВ ВОСИТАЛАР
(АРТЕРИАЛ ГИПОТЕНЗИЯНИ ДАВОЛАШДА
ҚЎЛЛАНИЛАДИГАН ВОСИТАЛАР)
Ўткир артериал гипотензия юрак ўткир етишмовчилиги ёки коллапс натижасида пайдо бўлиши мумкин.
ГИПЕРТЕНЗИВ ВОСИТАЛАРНИНГ ГУРУҲЛАРГА БЎЛИНИШИ:
1. Юрак зарбини ва периферик томирлар таранглигини оширувчи воситалар
а) Адреномиметиклар
Адреналин гидрохлориди
2. Асосан периферик томирлар таранглигини оширувчи воситалар
а) Адреномиметиклар
Норадреналин гидротартрати
Мезатон
б) Ангиотензинамид
Адреномиметикларнинг фармакологияси олдинги маърузаларда батафсил келтириб ўтилган.
Ангиотензинамид (гипертензин) – ангиотензин II нинг амиди бўлиб, асосий таъсири томирларни торайтирувчи самараси билан боғлиқ. Бу хоссаси бўйича норадреналиндан тахминан 40 марта устун. Унинг прессор таъсири асосан артериолалардаги ангиотензин рецепторларига таъсири натижасида юзага чиқади. Бунда веналарнинг таранглиги камроқ даражада ошиши мумкин. Ички аъзолар, тери ва буйрак артериал томирлари кучли тораяди. Юракка ва унинг қон билан таъминланишига бевосита таъсир кўрсатмайди. Аритмиялар келтириб чиқармайди. Юрак фаолиятида келиб чиқадиган ўзгариш-лар (брадикардия) иккиламчи хусусиятга эга бўлиб, улар АҚБнинг ошиши натижасида пайдо бўлади.
Ангиотензинамид альдостерон ҳосил бўлишига таъсир кўрсатиб, электролитлар таркибида маълум бузилишлар келтириб чиқаради. Бунда организмда натрий ионларининг ушланиб қолиши АҚБ нинг ошиши учун аҳами-ятлидир. У буйрак усти бези мия қисмидан адреналин ажралиб чиқишини оширади. Бундан ташқари, томир ҳаракатлантирувчи марказ ва симпатик ганглийларни кучайтиради, норадреналиннинг периферик таъсирини оширади. Аммо, ангиотензинамиднинг мазкур хоссалари унинг гипертензив сама-расида асосий ўринни эгалламайди.
Препарат в/о киритилади ва қисқа таъсир кўрсатади. Ангиотензин П нинг 50%и қоннинг бир марта айланишида парчаланади, шунинг учун ангио-тензинамиднинг эритмалари маълум тезликда в/о томчилаб киритилиши тав-сия этилади. Бунда артериолаларнинг кучли спазми натижасида микроцир-куляциянинг бузилиш эҳтимоли пайдо бўлади.
Асосан ўткир гипотонияларда қўлланилади. Ножўя таъсирлари: тери аллергик реакциялари, бош оғриши. Буйрак томирларининг торайиши оғир асоратларга олиб келиши мумкин.
Метирон ва этиронлар ҳам гипертензив восита сифатида ишлатилиши мумкин.