Ommaviy axborot vositalari

29-modda. Chet el ommaviy axborot vositalari vakolatxonalari va vakillarining O‘zbekiston Respublikasidagi faoliyati
Chet el ommaviy axborot vositalari vakolatxonalari va vakillari O‘zbekiston Respublikasida faoliyatni O‘zbekiston Respublikasi Tashqi ishlar vazirligida akkreditatsiyadan o‘tganlaridan keyin amalga oshiradilar.
O‘zbekiston Respublikasida akkreditatsiya qilingan chet el ommaviy axborot vositalari vakolatxonalari va vakillarining huquqiy maqomi va kasb faoliyatini amalga oshirish shartlari qonun hujjatlari bilan belgilanadi.


Qo‘shimcha ma’lumot uchun qarang: O‘zbekiston Respublikasi Vazirlar Mahkamasining 1998-yil 11-sentabrdagi 391-sonli qarori bilan tasdiqlangan Xorijiy davlatlar ommaviy axborot vositalari korrespondentlarining kasb faoliyatini O‘zbekiston Respublikasi hududida tartibga soladigan asosiy qoidalar.
30-modda. Xalqaro shartnomalar
Agar O‘zbekiston Respublikasining xalqaro shartnomasida O‘zbekiston Respublikasining ommaviy axborot vositalari to‘g‘risidagi qonun hujjatlarida nazarda tutilganidan boshqacha qoidalar belgilangan bo‘lsa, xalqaro shartnoma qoidalari qo‘llaniladi.
O‘zbekiston Respublikasining birinchi Prezidenti I. KARIMOV